د ملګرو ملتونو عمومي اسمبلۍ د افغانستان څوکۍ په اړه د ځانګړې کومېټې پرېکړه تصویب کړه؛ طالبانو دا پرېکړه 'بې انصافي' بللې
د عکس سرچینه، Getty Images
د ملګرو ملتونو عمومي اسمبلۍ په دې سازمان کې د افغانستان څوکۍ د پرځول شوي افغان حکومت استازي غلام اسحاقزي ته د سپارلو په تړاو د باور ورکولو ځانګړې کومېټې پرېکړه تصویب کړه.
په ملګرو ملتونو کې د افغانستان استازولۍ له رسمي ټویټر حسابه په یوه پیغام کې ویل شوي، ''د ملګرو ملتونو عمومي اسمبلۍ د باور اسناد ورکولو کمېټې له لوري د ملګرو ملتونو عمومي اسمبلۍ د ۷۶ دورې لپاره د افغانستان اسلامي جمهوریت استازي ته د باور ورکړل شوی لیک منلی دی. ''
طالبانو بیا په ملګرو ملتونو کې د استازولۍ څوکۍ اعتبار ورکولو ځانګړې کومېټې دا پرېکړه ''بې انصافي '' بللې ده.
په افغانستان کې د طالبانو حکومت د ویاند مرستیال احمدالله واثیق په دې هکله یوه ټویټر پیغام کې غبرګون څرګند کړی دی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
د یادونې ده، چې وسلوالو طالبانو تېره اګست میاشت کې واک ته له رسېدو وروسته د خپل سیاسيدفتر پخوانی ویاند سهیل شاهین ملګرو ملتونو کې د خپل استازي په توګه نومولی و.
خو د ملګرو ملتونو دې ځانګړې کومېټې تېره چارشنبه پرېکړه وکړه چې په عمومي اسمبلۍ کې دې د افغانستان څوکۍ د اوس لپاره افغان طالبانو ته نه ورکول کېږي.
دا په دې معنا وه چې د افغانستان د پرځول شوي حکومت استازی غلام اسحاقزی به ملګرو ملتونو کې د افغانستان څوکۍ ساتي، چې نن دوشنبه د باور کمېټې وړاندیز له مخې رسماً تایید شوه.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
په دې ځانګړې کومېټه کې د امریکا، روسیې، چین، سویډڼ، بهاماس، بوټان، چیلي، نمیبا او سیري لیون هېوادونو استازي شامل دي.
د افغانستان څوکۍ ته د طالبانو نومول شوي استازي سهیل شاهین تېره چارشنبه پر خپله ټوېټر پاڼه لیکلي، د افغانستان خلک حق لري چې یو خپلواکه هېواد ولري او د دې لپاره یې لسیزې مبارزه کړې.
نوموړي لیکلي، پکار نه ده چې افغانانو باندې بندیزونه ولګول شي او په ملګرو ملتونو کې له خپلې څوکۍ محروم پاتې شي.
