تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د افغان پارلماني ټاکنو رای پاڼې د چاپ لپاره بهر ته استول شوې
- Author, خوشحال تایب
- دنده, بي بي سي
د افغانستان د ټاکنو خپلواک کمیسیون وايي د را روانو ولسي جرګې او ولسوالیو شوراګانو د ټاکنو لپاره یې د رایه ورکولو پاڼې د چاپ لپاره بهر ته استولې دي.
د چارواکو په وینا د رایو ورکولو پاڼې په ټاکنو کې د درغلي د مخنیوی په موخه په بهر کې چاپ ته لیږل شوې دي.
ټاکل شوی چی پارلمانی ټاکنی د میزان په ۲۸ نیټه ترسره شي.
د ټاکنو د خپلواک کمیسیون د ویاند مرستیال ذبیح الله سادات په وینا رای پاڼې به تر یوې میاشتې ټولې چاپ شي.
د ټاکنو خپلواک کمیسیون د شمېرو له مخې څه باندې نهه میلیونه کسانو د ولسي جرګې او ولسوالیو شوراګانو لپاره نوملیکنه کړې ده چې په همدې شمېر به رای پاڼې هم چاپ شي.
د رایو ورکولو پاڼې لګښت د ملګرو ملتونو د پراختیایي ادارې یا یو اېن ډي پي او یو اېس ای ډي له خوا ورکول کیږي.
بل پلو د ټاکنو کمیسیون مسؤلین وايي له تېرو لسو ورځو راهیسې یې په ځینو ولایتونو کې چارې له خنډونو سره مخ شوې دي، ځکه په یو شمېر ولایتونو کې د دوی دفترونه تړل شوي چې چارې یې ټکنۍ کړې دي.
د دې کمېسون په چارو کې ځنډ او خنډ له هغه وروسته دی چې تر ۳۵ نوماندان د نوماندۍ له نوملړ و اېستل شول او په غبرګون کې دا ډول ځینې نوماندانو مختلفو سیمو کې د دې کمېسون د دفترونو مخ ته اعتراض وکړ.
خو ښاغلی سادات وايي له دوی سره ژمنه شوې چې دغه خنډونه به تر راتلونکو یو دوه ورځو له مخې لرې کړای شي.
