تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د افغانستان په شمال کې ترافیکي پېښې ۴۰ کسانو ته مرګ ژوبله اړولې
د افغانستان په شمال کې د کابل - مزار پر لویه لاره یو مسافر وړونکی بس چپه شوی چې لږ ترلږه ۱۴ کسان پکې مړه شوي او ۲۵ نور ټپیان دي.
د ځايي چارواکو په خبره، په وژل شویو کې پنځه ښځې او دوه ماشومان دي.
د بغلان د ترافیکو مدیر احمد نبي نبي زاده بي بي سي ته وویل، دا پېښه د سړک د تنګوالي او د موټرچلوونکي د بې احتیاطۍ له امله رامنځته شوې. ښاغلي نبي زاده وویل، د ټپیانو روغتیایي وضعیت ښه دی.
ښاغلي نبي زاده زیاته کړې، موټر چلوونکې د پېښې له ځایه تښتېدلی دی.
د افغانستان پر لویو لارو د موټر چلوونکو د بې احیتاطۍ، د لارو د خرابوالي، د ترافیکي نښو د نشتوالي او د تېز تګ له امله هر کال سلګونه خونړۍ پېښې رامنځته کېږي.
