तपाईँ अहिले हाम्रो वेबसाइटको थोरै डेटा प्रयोग हुने ‘टेक्स्ट-ओन्ली’ साइटमा हुनुहुन्छ। सबै तस्बिर र भिडिओसहित मूल वेबसाइटमा जान यहाँ क्लिक गर्नुहोस्।
मूल वेबसाइट तथा पूरा संस्करणमा जानुहोस्।
हाम्रो वेबसाइटको थोरै डेटा प्रयोग हुने संस्करणबारे थप जान्नुहोस्।
सैन्य सम्बन्ध विस्तार गर्न भारत र चीन सहमत
भारत र चीनले आफ्ना साझा सीमा क्षेत्रमा तनाव घटाउनका निम्ति सैन्य सम्बन्ध विस्तार गर्नुका साथै आपसी विश्वास बढाउने उपाय लागु गर्न सहमति जनाएका छन्।
दुवै देशले तिनका सशस्त्र फौजबीच एउटा हटलाइन फोन सम्पर्क स्थापित गर्ने कार्य चाँडै सम्पन्न गर्ने भनेका छन्।
तनाव
दिल्लीमा बिहीवार साँझ भारतीय रक्षामन्त्री निर्मला सीतारमण तथा उनका चिनियाँ समकक्षी जनरल वेइ फेङ्हेबीचको वार्तामा ती सहमति भएका हुन्।
एशियाका यी दुई विशाल छिमेकीबीचको सम्बन्ध गत वर्ष निकै बिग्रिएको थियो।
भुटान नजिकैको विवादित हिमाली क्षेत्रको एक दुर्गम भूभागबारे दुई देशबीच झन्डै ७० दिनसम्म चर्को तनाव कायम रह्यो।
दोक्लाम विवाद भनिने सो प्रकरण शान्तिपूर्वक समाधान भएपछि दुई छिमेकीबीच आपसी विश्वास बढाउने प्रयास भइरहेका छन्।
