محمد انور اندړ د بي بي سي دتعليمي خپرونوله لړۍ څخه

	لالوماماخپلومېلمنوته د چاخولې څوک نشي بندولی، متل دکيسې په اړه دريڅه پرانيستله.

له دې ځايه واورئ!

لالوماما ديوه متل يادونه وکړه، چې وايي: "دخلکو خولې څوک نه شي بندولی،" اوددې متل دکيسې په اړه يې لاندې دريڅه پرانيستله.

په دريڅه کې "د خلکو خولې څوک نشي بندولی" دکيسې په اړه يوې انا خپلو لمسيانو داسې ويل:

" په پخوا زمانوكې يوه سپين ږيږي سړي خپل زوی په خره سپور او له يوه کلي تېرېدل
يوه تن وويل:

هغه سپين ږيري ته وګورئ، غټ هلک يې پر خره سپور کړی پخپله پياده روان دی. پلار يې هلک له خره کښته اوپخپله په خره سپور شو.

کله چې لږ وړاندې ولاړل، يوبل تن وويل، چې غټ سړی په خره سپور او کوچنی زوی يې له پياده مزل نه مړ کړ.

ددې خبرو په اورېدو دواړه پياده روان شول، چې يوه بل کلي ته ورسېدل.هلته يوه هلک وويل، دوی ته ګوری، خريې ترمخ اودوی پياده روان دي.

	خلکو ويل، چې غـټ سړی په خره سپور، ماشوم يې پلی روان دی.

په دې وخت کې پلار او زوی دواړه په خره سپاره شول.کلې چې لږ مخکې ولاړل، يوبل کس وويل، چې هغوظالمانوته وګوری، دوه تنه په يوه خره سپاره دي، خريې له ستړيامړکړ.

زوی پلارته دخلکودخبرو په اړه وويل. پلاريې وويل، اوس پوه شوم،چې دخلکو خولې څوک نه شي بندولی او پدې توګه يې خپل مزل ته دوام ورکړ."