ناجيه نجات

	استادته په آلمان کې د۱۲ هنرونودزده کولو په وياړدپروفيسورۍ لقب ورکړ شو.

له دې ځايه واورﺉ!

مېلمنود استاد په اړه له لالومامانه مالومات وغوښتل، هغه استاد فارياب ولايت دميمنې اوسېدونکی وباله او په اړه يې ورته لاندې دريڅه پرانيستله:

په دريڅه کې دماڼۍ خبريال ځوانکيانو ته داسې مالومات ورکول:

"پروفيسور استاد غلام محمد ميمنه ګي دهېواد تکړه انځورګر په کال ١٢٥٢ لمريز کې دميمنی ښه ښار کې زيږدلی دی.

له ماشوموتوب نه يې دانځورګرۍ له هنر سره مينه د رلودله وه اودا هنر يې له جان ګری نه، چې دامير عبدالرحمن خان ډاکټر و. زده کړ.

په کال ١٣٠١ کال کې دانځورګرۍ برخه کې دلوړو زدکړولپاره د المان هېواد ته ولاړ او هلته يې ١٢ ډوله هنرونه زده کړل.

د همدې برياوو په پايله کې الماني استادانو ورته دپروفيسورۍ لقب،دسروزرونښان او دلاجوردو يوکپ هم ډالۍ کړ.

استاد دميناتورۍ په برخه کې هم کارکاوه اود هنر سبک يې ريالستيک او کلاسيک و، له روغني او آبي رنګونويې ډېرکاراخيست.

	استاد په ۱۳۱۴ کې په کابل کې وفات اوجنازه په عاشقانواوعارفانوکې خاورو ته وسپارل شوه.

په لويديځ کې تر تحصيل وروسته يې ځينې اثار له غربي سبک سره هم ورته والی لري.

د نوموړې د اثارو کره شمېر نه دی معلوم خو په ملي ګالرۍ کې د نوموړې ١١ ډوله آثار موجود دي.

استاد ميمنګی په ١٣١٤ کال کې د ٦٢ کلنو په عمرپه کابل کې ومړ او جنازه يې د عاشقانو او عارفانو په هديره کې خاورو ته وسپارل شوه."