شکور له شبنمې وپوښتل:" هغه څه دي ، چې اوږدې پښې لري، هر لور ته ځي تار جوړوي او غږ نه لري؟" شبنم پوه نشوه ، پرده داريې را وغوښت. پرده دار پرده ليرې کړه ، تر شا يې يوه زړه کوټه وه چی غڼو په کې ځالې جوړې کړې وې، دوئ پوه شول چی راز د غڼې دتارجوړولو په اړه دی. پرده دار وويل چې د غڼې د خېټې په لاندنۍ برخه کې يو ډول پروتين لرونکي غدې دي چی اوبلن مواد ترشح کوي او تارجوړوي. پرده دار ماشومان يو بڼ ته بوتلل او هلته يې يوه غڼه په خبرو راوستله. غڼې وويل چې په کورونو، د ونو په څانګواو دتيږوپه منځونو کې اوسيږي. تر (٥٠) پوری هګۍ اچوي، مياشې، مچان او نور هغه حشرې ، چې په تارونوکې يې دغوړو موادود درلودلوله امله نښلي، خوري.  | | | غڼې د خېټې په لاندنۍ برخه کې يو ډول غدې لري چی اوبلن مواد ترشح کوي او تارجوړوي. |
غڼې وويل چې هغوئ ځکه پخپلو تارونو کې نه نښلي چې پښې يې غوړ لري اوپه اسانۍ ځالې ته راتګ کولای شي. دنري شمال په لګېدو پرده دار دماشومانوپام د وخت پوره کېدو ته و اړاوه او پرده يې کش کړه. |