محمدعارف لودين

له دې ځايه واورئ!

هيله وايي چې دا به د نړۍ تر ټولو اوږد پل وي، خو لالوايي چې د نړۍ تر ټولو اوږد پل په چين کې دی.

هيله د پًل اوږد والي پوښتي، لالو وايي چې دا پل نېږدې ٣٦ کيلو متره اوږد والی لري. اوپه يو وخت پرې شپږ ليکې موټرونه تګ او راتګ کوي.

لالو وايي چې دا پل يې په يو ميليارد او ٦٤٠ ميلونه ډالره په څه دپاسه څلورو کلونو کې جوړ کړی چې د چين د هانګ جو سيمه د چين له ختيځ سره تړي.

هيله د ماڼۍ پُل زوړبولي او وايي چې بايدړنګ شي خو لالو وايي چې هغه اوس تاريخي پُل دی د ورانولو په ځای يې ساتل په کار دي.

ماشومان دتاريخي شيانوپه اړه پوښتي،لالو ورته دلاهورۍ دروازې په اړه يوه دريڅه پرا نيزي.

نيکه له خيبر نه پوښتي چې سکاره يې له کومه ځايه راوړل، خيبر ورته دلاهور نوم اخلي خونيکه يې په خندا هغه ځای لارهورۍ دروازه ګڼي.

نيکه د نرګسې د پوښتنې په ځواب کې وويل چې د جادې اخر او د بالاحصار لاندې سيمې ته لاهورۍ دروازه وايي.

	افغانانو د هنددهغه مهال دلاهور نه يوه دروازه راوړې او په پخواني بالا حصار کې يې اېښې وه ..

دا چې ولې دې ځاي ته خلک لاهورۍ دروازه وايي په دې اړه بېلابېل نکلونه دي.

ځيني خلک په دې باور دي چې د مغلو پرمهال افغانانو د هنددهغه مهال دلاهور نه يوه دروازه راوړې او په پخواني بالا حصار کې يې اېښې وه .

ځيني نور بياوايي چې پخوا په دې سيمه کې کاروانونه تړل کېدل او د هند په لور به روانېدل او همدا لاره سيده لاهور ته تللې وه.