स्पेनमध्ये कोरोनाच्या पाचव्या लाटेची भीती, पर्यटनावर कसा होतोय परिणाम

गेले काही आठवडे स्पेनमध्ये कोव्हिडच्या रुग्णांची संख्या झपाट्याने खाली येत होती. त्यामुळे लॉकडाऊनचे निर्बंधही काढून टाकण्यात आले होते.

पण आता संसर्गाचा दर गेल्या काही दिवसात वाढल्याने देशात कोरोनाच्या पाचव्या लाटेचे संकेत मिळाले आहेत.

गेल्या वर्षी म्हणजे 2020 साली कोरोना संकटामुळे स्पेनच्या पर्यटन व्यवसायाला तडाखा बसला होता, ही परिस्थिती सुधारते न सुधारते तोच आता पाचव्या लाटेमुळे व्यावसायिकच नाही तर पर्यटकांनीही धास्ती घेतली आहे.

कोरोनापूर्व काळात स्पेनला दरवर्षी 1 कोटी 80 लाखाच्या आसपास परदेशी पर्यटक भेट द्यायचे. लॉकडाऊनचा परिणाम पर्यटनव्यवसायावर आणि साहजिकच देशाच्या अर्थव्यवस्थेवर होतोय.

गेल्या काही आठवड्यांमध्ये तर अनेक युरोपियन देशांनी आपल्या नागरिकांना स्पेनमध्ये न जाण्याचाच सल्ला दिलाय.

हेही पाहिलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)