कॉमनवेल्थ गेम्स 2022 पदकतालिका : अचिंत शेउलीनं जिंकलं सुवर्ण पदक

कॉमनवेल्थ गेम्स 2022

फोटो स्रोत, Reuters

फोटो कॅप्शन, कॉमनवेल्थ गेम्स 2022

इंग्लंडच्या बर्मिंघममध्ये यावर्षी 28 जुलै ते 8 ऑगस्ट दरम्यान कॉमनवेल्थ गेम्सचं आयोजन करण्यात आलं आहे.

मागच्या कॉमनवेल्थ गेम्समध्ये तिसऱ्या स्थानी असलेल्या भारताकडून यावेळी अधिक चांगल्या कामगिरीची अपेक्षा आहे. 28 जुलै रोजी या स्पर्धांचं उद्घाटन झालं आहे.

ताजी पदकतालिका तुम्हाला इथे पहायला मिळेल.

Commonwealth Medals table_Marathi

कॉमनवेल्थ गेम्स म्हणजे काय?

कॉमनवेल्थ गेम्स म्हणजेच राष्ट्रकुल स्पर्धा. ही एक आंतरराष्ट्रीय क्रीडा स्पर्धा आहे.

दर चार वर्षातून एकदा या स्पर्धेचं आयोजन होतं. कॉमनवेल्थ राष्ट्रांमुळे या स्पर्धेचं नाव कॉमनवेल्थ पडलं.

कधीकाळी ब्रिटिश साम्राज्या एवढ्या देशात पसरलेलं होतं की ब्रिटिश साम्राज्यावरील सूर्य कधी मावळत नाही, असं म्हटलं जाई. याच सर्व देशांना घेऊन या स्पर्धेची सुरुवात झाली.

आज ही ऑलिम्पिक आणि आशियाई क्रीडा स्पर्धेनंतरची सर्वांत मोठी जागतिक स्पर्धा आहे.

1930 साली कॅनडातील हॅमिल्टन शहरात पहिल्या कॉमनवेल्थ गेम्सचं आयोजन करण्यात आलं होतं. त्याकाळी ही स्पर्धा 'ब्रिटिश एम्पायर गेम्स' नावाने ओळखली जायची.

Skip सर्वाधिक वाचलेले and continue reading
सर्वाधिक वाचलेले

End of सर्वाधिक वाचलेले

1954 ते 1966 पर्यंत कॉमनवेल्थ गेम्सना ' ब्रिटिश एम्पायर अँड कॉमनवेल्थ गेम्स' म्हटलं गेलं.

पुढे 1970 आणि 1974 मध्ये या स्पर्धेचं नाव 'ब्रिटन कॉमनवेल्थ गेम्स' होतं.

1978 साली या स्पर्धेला 'कॉमनवेल्थ गेम्स' हे नाव पडलं आणि ते अजूनही कायम आहे.

कॉमनवेल्थ गेम्समध्ये भारताचा प्रवेश कसा झाला?

1934 साली दुसरी कॉमनवेल्थ गेम्स म्हणजेच त्यावेळची ब्रिटीश एम्पायर गेम्स स्पर्धा लंडनमध्ये आयोजित करण्यात आली होती.

या स्पर्धेत भारतासह एकूण 16 देशांचे 500 खेळाडू सहभागी झाले होते. मात्र, त्यावेळी भारत पारतंत्र्यात असल्याने ब्रिटीशांच्या झेंड्याखाली खेळला होता.

भारताने केवळ कुस्ती आणि अॅथलेटिक्स या दोनच क्रीडा प्रकार भाग घेतला होता.

17 देशांमध्ये भारताने ब्रॉन्झ मेडल पटकावत खातं उघडलं. त्यावेळी भारत बाराव्या स्थानावर होता.

पुरूष कुस्तीच्या 74 किलो वजनी गटात भारताच्या राशीद अन्वर यांनी ब्रॉन्झ मेडल जिंकलं होतं.

बर्मिंघममध्ये कुठे-कुठे रंगणार सामने?

  • अॅलेक्झँडर स्टेडिअम - अॅथलेटिक्स, पॅरा अॅथलेटिक्स, सुरुवात आणि सांगता समारोह
  • अॅरिना बर्मिंघम - जिमनॅस्टिक
  • कॅनक चेस फॉरेस्ट - सायकलिंग
  • कोवॅन्ट्री अॅरिना - ज्युडो, कुस्ती
  • कोवॅन्ट्री स्टेडिअम - रग्बी
  • अॅजबेस्टन स्टेडिअम - क्रिकेट T-20
  • ली व्हॅली वेलोपार्क - सायकलिंग
  • द एनआयसी - बॅडमिंटन, बॉक्सिंग, नेटबॉल, टेबल टेनिस, पॅरा टेबल टेनिस, वेटलिफ्टिंग
  • सेंडवेल अॅक्वेटिक्स सेंटर - डायव्हिंग, स्विमिंग, पॅरा-स्विमिंग
  • स्मिथफिल्ड - बास्केटबॉल, बीच बास्केटबॉल, व्हिलचेअर बास्केटबॉल
  • सटन पार्क - ट्रायथलॉन, पॅरा-ट्रायथलॉन
  • युनिव्हर्सिटी ऑफ बर्मिंघम - हॉकी, स्क्वॅश
  • व्हिक्टोरिया पार्क - लॉन बॉल्स, पॅरा लॉन बॉल्स
  • व्हिक्टोरिया स्क्वेअर - अॅथलेटिक्स
  • वॉरविक - सायकलिंग
  • वेस्ट पार्क - सायकलिंग

हे वाचलंत का?

YouTube पोस्टवरून पुढे जा
परवानगी (सोशल मीडिया साईट) मजकूर?

या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.

सावधान: बाहेरच्या मजकुरावर काही अॅड असू शकतात

YouTube पोस्ट समाप्त

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहि61890597ले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)