'या' देशात 11 नवजात बालकांचा आगीत होरपळून मृत्यू, भंडारा दुर्घटनेची आठवण
फोटो स्रोत, Getty Images
11 नवजात मुलांचा आगीत होरपळून मृत्यू झाल्याची घटना सेनेगलमध्ये घडली आहे. सेनेगलमध्ये गेल्यावर्षीसुद्धा अशा प्रकारची घटना घडली होती.
मामे अब्दु अझिझ सी दबाक हॉस्पिटलच्या मॅटर्निटी विभागात ही आग लागली होती, असं सेनेगलचे राष्ट्राध्यक्ष मॅकी साल यांनी सांगितलं आहे.
प्राथमिक अहवालानुसार शॉर्ट सर्किटमुळे ही आग लागल्याचं सेनेगलच्या राजकारण्यांचं म्हणणं आहे. तीन मुलांचा जीव वाचवण्यात यश आल्याचं महापौर डेंबा डिओप यांनी म्हटलं आहे.
आग अत्यंत वेगाने पसरली. आपत्कालीन टीम पोहोण्याआधीच अघटीत घडल्याचं महापौरांनी सांगितलं आहे.
एएफपी वृत्तसंस्थेनं दिलेल्या माहिती नुसार, हे हॉस्पिटल नुकतच सुरू करण्यात आलं होतं.
मृत मुलांच्या पालकांप्रती राष्ट्रध्यक्षांनी सहवेदना प्रकट केल्या आहेत.
फोटो स्रोत, Reuters
सेनेगलचे आरोग्य मंत्री अब्दुल्ले डॉफ सार सध्या WHOच्या परिषदेसाठी जिनिव्हात आहेत. त्यांनी या घटनेनंनतर त्यांचा दौरा अटोपता घेण्याचा निर्णय घेतला आहे. तसंच त्यांनी ही घटना दुर्दैवी असल्याचं म्हटलंय. या प्रकरणाच्या चौकशीचे आदेश देण्यात आल्याचंसुद्धा त्यांनी सांगितलं आहे.
या घटनेनंतर सेनेगलमधल्या आरोग्य यंत्रणेबाबत सोशल मीडियावर चर्चा सुरू झाली आहे.
तर या प्रकरणाची निष्पक्ष चौकशी व्हावी, जो कुणी दोषी असेल, तो कुठल्याही पदावर असेल त्यावर कारवाई झाली पाहिजे, असं अॅम्नेस्टी इंटरनॅशनलने म्हटलंय.
गेल्यावर्षी वर्षी लागलेल्या आगीत ४ अर्भकांचा आगीत होरपळून मृत्यू झाला होता. त्यावेळी एसीमध्ये बिघाड होऊन आग लागली होती.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
