जर्मनी निवडणूक : अँगेला मर्केल यांच्या पक्षाचा थोड्या फरकानं पराभव

जर्मनीच्या सार्वत्रिक निवडणुकीत सोशल डेमोक्रॅटिक पक्षानं (एसपीडी) थोड्या फरकानं विजय मिळवल्याचं प्राथमिक निकालांवरून स्पष्ट झालं आहे.

एसपडीनं जर्मनीच्या माजी चॅन्सेलर अँगेला मर्केल यांच्या सीडीयू पक्षाचा पराभव केला आहे.

या निवडणुकीत एसपीडीला 25.7 % तर सत्ताधारी सीडीयूला 24.1 % मतं मिळाली आहेत.

ग्रीन्स पक्षानं आतापर्यंतच्या इतिहासातील सर्वोत्तम निकाल मिळवला असून ते 14.8% मतं घेऊन तिसऱ्या क्रमांकावर आहेत.

सरकार स्थापन करण्यासाठी आता युती होणं आवश्यक आहे.

जर्मनीच्या चॅन्सेलर अँगेला मर्केल यांनी ही निवडणूक लढवली नव्हती. अँगेला मर्केल यांचे उत्तराधिकारी आर्मिन लॉशेट मैदानात होते.

दरम्यान, आपल्या पक्षाला स्पष्ट जनमत मिळाल्याचं एसपीडीचे नेते ओलाफ स्कोल्झ यांनी काही वेळापूर्वी म्हटलं होतं.

नवीन नेत्यासमोरची आव्हानं

एक्झिट पोल्समध्येही एसपीडी आणि सीडीयू यांच्यात अटितटीची लढाई होईल, असा अंदाज व्यक्त करण्यात आला होता. पण, यावेळची निवडणूक ही सुरुवातीपासूनच अंदाज न लावण्यासारखी होती.

निकाल आल्यानंतरही ही निवडणूक संपली असं होणार नाहीये. कारण जोपर्यंत सत्तेसाठी आघाडी होत नाही, तोपर्यंत अँगेला मर्केल जाणार नाहीयेत. यासाठी त्यांना ख्रिसमसपर्यंत वाट पाहावी लागू शकते.

मर्केल यांच्या उत्तराधिकाऱ्याला पुढची 4 वर्षं युरोपच्या प्रमुख अर्थव्यवस्थेचं नेतृत्व करायचं आहे. तसंच हवामान बदलाच्या मुद्द्यावरही काम करायचं आहे.

हे मुद्दे जर्मनीच्या मतदारांसाठी प्राधान्याचे होते.

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)