Kazakhstan : विमान कोसळून झालेल्या अपघातात 14 जण ठार
फोटो स्रोत, Reuters
कझाकिस्तानमध्ये विमान कोसळून झालेल्या अपघातात 14 जण ठार झाल्याची माहिती अधिकाऱ्यांनी दिली आहे. या विमानामध्ये 95 प्रवासी आणि 5 कर्मचारी होते.
या अपघातात 60 जण जखमी झाले आहेत.
अपघातग्रस्त विमान हे Bek Air कंपनीचं होतं. शुक्रवारी (27 डिसेंबर) सकाळी अलमाटी विमानतळावरून या विमानानं उड्डाण केलं होतं.
'रॉयटर्स' या वृत्तसंस्थेचा वार्ताहर घटनास्थळाजवळच उपस्थित होता. या भागामध्ये प्रचंड धुकं असल्याची माहिती या वार्ताहराने दिली. या अपघातातून अनेक प्रवासी सुखरुप बचावल्याची माहिती विमानतळावरील अधिकाऱ्यांनी दिली आहे.
कझाकिस्तानमधील सर्वात मोठं शहर असलेल्या अलमटीवरून हे विमान नूर-सल्तन शहराकडे निघालं होतं.
फोटो स्रोत, Getty Images
विमानाला नेमका अपघात कशामुळे झाला, हे अद्याप समजलेलं नाहीये. स्थानिक वेळेनुसार 7 वाजून 22 मिनिटांनी या विमानाचा ताबा सुटला आणि ते एका दुमजली इमारतीला जाऊन धडकलं. विमान इमारतीला धडकल्यानंतर सुदैवानं आग लागली नाही.
अपघातस्थळी बचावकार्य सुरू आहे.
अपघाताचं नेमकं कारण शोधण्यासाठी विशेष समिती नेमण्यात आली आहे. कझाकिस्तानचे राष्ट्राध्यक्ष कासिम-जोमार्ट तोकायेव यांनी या अपघातात मृत्यूमुखी पडलेल्या प्रवाशांच्या नातेवाईकांचं सांत्वन केलं.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)
