कॅथेड्रल नोत्र-दाम : आगीत भस्मसात झालेला वारसा पुन्हा उभारण्याचं आव्हान

पॅरिसमधल्या सीन नदीच्या काठावर आगीच्या भक्षस्थानी पडलेलं नोत्र दाम कॅथेड्रलला पुन्हा उभा करण्यासाठी जगभरातून मदतीचा ओघ सुरू होत आहे. अनेकांनी हे कॅथेडरल पुन्हा उभं करण्यासाठी मदत देऊ केली आहे.

फ्रान्सचे राष्ट्राध्यक्ष इमॅनुएल मॅक्रॉन यांनी ही इमारत पुन्हा बांधू असं म्हटलं आहे. तर दोन फ्रेच उद्योग समुहांनी 300 दक्षलक्ष युरोची मदत देऊ केली आहे. तर युरोपियन काऊन्सिलचे अध्यक्ष डोनाल्ड टस्क यांनी इतर युरोपियन राष्ट्रांना मदतीचे आवाहन केलं आहे. ही इमारत पुन्हा कशी बांधायची याबद्दल चर्चा सुरू झाल्या आहेत.

या इमारतीला लागलेल्या आगीचं कारण समजू शकलेलं नाही.

या इमारतीचं किती नुकसा झालं असावं याबद्दल अंदाज बांधले जात आहेत. अग्निशमन दलाच्या प्रवक्त्यांनी छत पूर्णपणे आगीत भस्मसात झाल्याचं म्हटलं आहे. इमारतीचं व्हॉल्ट अर्ध नष्ट झालं आहेत.

Gucci आणि Yves Saint Laurent या ब्रॅंडचे मालक असलेले फ्रॅकाईस हेन्री पिनॉल्ट यांनी ही इमारत पुन्हा बांधण्यासाठी 100 दशलक्ष युरोची मदत देऊ केली आहे. तर LVMH या कंपनीचे बनार्ड अरनॉल्ट कुटुंबीयांनी 200 दशलक्ष युरोची मदत देऊ केली आहे. तसेच फ्रान्समधील धर्मादाय संस्था Fondation du Patrimoine या संस्थेनेही मदतीचे आवाहन केलं आहे.

मॅक्रॉन यांनी या वास्तूला भेट दिली. ते म्हणाले, "यापेक्षाही वाईट घडलं असतं. सुदैवाने ते टळलं आहे. ही वास्तू पुन्हा उभी करण्यासाठी जगभरातून निधी उभा केला जाईल. "

रशियाचे राष्ट्राध्यक्ष वाल्दिमीर पुटिन यांनी हे कॅथेड्रल बांधण्यासाठी मदत करू असं म्हटलं आहे.

ब्रिटन सरकारही कशा प्रकारे या वास्तूला मदत करता येईल, हे पाहत आहे.

स्पेनचे सांस्कृतिक मंत्री जोन्स गुएरो यांनी या क्षणाला सर्वात जास्त गरज ही नैतिक आधाराची आहे, स्पेन सरकार या इमारतीला कशी मदत करता येईल ते पाहत आहे, असं म्हटलं आहे.

सर्व फोटोंचे हक्क सुरक्षित

हेही वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)