सोनाली फोगाट यांचे निधन, टिकटॉक स्टार, बिग बॉसच्या स्पर्धक ते भाजप नेत्या असा होता प्रवास
फोटो स्रोत, ANI
भाजप नेत्या आणि टिकटॉक स्टार सोनाली फोगाट यांच्या मृत्यूप्रकरणी गोवा पोलिसांनी दोघांना अटक केलीय. सुधीर सागंवान आणि सुखविंदर वासी अशी या दोघांची नावं आहेत.
गोव्यात हृदयविकाराच्या झटक्यानं सोनाली फोगाट यांचं निधन झालं. मात्र, त्यानंतर त्यांच्या मृत्यूच्या कारणाबाबत संशय व्यक्त करण्यात आला. त्यानंतर बुधवारी म्हणजे 24 ऑगस्टला गोवा पोलिसांनी या प्रकरणी अनैसर्गिक मृत्यूची तक्रार दाखल करून घेतली आणि आता हत्येचा कलमही त्यात जोडण्यात आलाय.
गोव्याच्या मापुसाचे डीसीपी जिवबा दळवी यांनी दिलेल्या माहितीनुसार, "प्राथमिक चौकशीनुसार सोनाली फोगाट 22 ऑगस्टच्या रात्री गोव्यात आल्या होत्या आणि अंजुनाच्या एका हॉटेलमध्ये थांबल्या होत्या. मंगळवारी म्हणजे 23 ऑगस्टला सकाळी त्यांची तब्येत ठिक नसल्याच्या कारणानं हॉस्पिटलमध्ये नेण्यात आलं. तिथं त्यांना मृत घोषित करण्यात आलं."
"संबंधित साक्षीदारांचे जबाब नोंदवले जात असून, अंजुना पोलिसांनी पोस्टमार्टम चौकशीसाठी डॉक्टरांची एक समिती स्थापन करण्यासाठी गोवा मेडिकल कॉलेजच्या फॉरेन्सिक मेडिसिन विभागाला पत्र लिहिलंय. या प्रकरणाची चौकशी सुरू आहे," अशी माहितीही दळवींनी दिली होती.
फोटो स्रोत, Twitter
भारतीय जनता पक्षाच्या नेत्या सोनाली फोगाट यांचं मंगळवारी (23 ऑगस्ट) हृदयविकाराच्या झटक्यानं गोव्यात निधन झालं होतं.
सोनाली फोगाट यांच्या भावाने या प्रकरणात हत्येचा संशय व्यक्त केला आहे. सोनाली यांचा गोव्याला येण्याचा कोणताही प्लॅन नव्हता. हे पूर्वनियोजित कारस्थान असावं, असा संशयही सोनाली यांच्या भावाने बोलून दाखवला.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 1
सोनाली यांचा शवविच्छेदन अहवाल लवकरात लवकर येणं अपेक्षित आहे. त्यांचा मृतदेह आज (25 ऑगस्ट) दिल्लीला पोहोचेल, अशी माहिती गोव्याचे पोलिस महानिरीक्षक ओएस बिष्णोई यांनी दिली आहे.
सोनाली फोगाट या टिकटॉक स्टार आणि बिग बॉसमधील स्पर्धक म्हणूनही प्रसिद्ध होत्या.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 2
2019 साली हरियाणातील आदमपूरमधून भाजपनं सोनाली फोगाट यांना विधानसभेचं तिकीट दिलं होतं. आता भाजपमध्ये प्रवेश केलेल्या आणि पूर्वी काँग्रेसमध्ये असलेल्या कुलदीप बिश्नोई यांच्याविरोधात त्यांनी ही निवडणूक लढली होती. मात्र, त्यात त्यांचा पराभव झाला होता.
इन्स्टाग्रामवरील शेवटची पोस्ट...
सोनाली फोगाट यांच्या निधनानंतर इन्स्टाग्रामवरील त्यांची शेवटची पोस्ट सध्या चर्चेत आलीय. सोनाली फोगाट यांनी इन्स्टाग्रामवर स्वत:चा एक व्हीडिओ पोस्ट केला असून, या व्हीडिओला मोहम्मद रफींचं गाणं बॅकग्राऊंडला आहे.
'रुक से जरा नकाब तो हटा दो मेरे हुजूर' हे मोहम्मद रफींचं गाणं आणि त्यावर स्वत:चा व्हीडिओ अशी पोस्ट सोनाली फोगाट यांनी इन्स्टाग्रामवर शेअर केलाय.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
Instagram पोस्ट समाप्त
इन्स्टाग्रामवरील शेवटची पोस्ट रात्री शेअर केलीय. म्हणजे, त्यांच्या निधनाच्या अगदी काही तासांपूर्वीची आहे.
तसंच, ट्विटर आणि फेसबुकवर त्यांनी आपला प्रोफाईल फोटोही काही तासांपूर्वीच बदलला होता.
सोनाली फोगाट यांचा अल्पपरिचय
सोनाली फोगाट यांनी 2006 मध्ये निवेदिका म्हणून आपल्या करिअरला सुरुवात केली. हिसार दूरदर्शनसाठी त्या निवेदिकेचं काम करत होत्या.
2008 साली त्यांनी भाजपचं सदस्यत्व घेतलं आणि तेव्हापासून त्या सक्रीय राजकारण उतरल्या.
फोटो स्रोत, Facebook
पंजाबी आणि हरियाणवी सिनेमांमध्ये काम, तसंच म्युझिक व्हीडिओही त्यांनी केले आहेत.
बिग बॉसच्या 14 व्या हंगामात सोनाली फोगाट स्पर्धक होत्या. बिग बॉसच्या घरात असताना त्यांनी आपल्या वैयक्तिक आयुष्यातील अनेक घटना सांगितल्या होत्या.
सोनाली फोगाट टिकटॉकवर प्रचंड लोकप्रिय होत्या. त्यांचे लाखोंच्या पटीत फॉलोअर्सही होते. मात्र, गलवानच्या घटनेनंतर भारत सरकारनं टिकटॉकवर बंदी आणल्यानंतर सोनाली फोगाट यांचंही अकाऊंट बंद झालं. त्यानंतर सोनाली फोगाट यांनी भाजपमध्ये प्रवेश केला.
आदमपूर निवडणुकीत पराभव
सोनाली फोगाट यांना भाजपनं हरियाणाच्या आदमपूर विधानसभा मतदारसंघातून 2019 साली तिकीट दिलं होतं. काँग्रेसचे उमेदवार कुलदीप बिश्नोई यांनी त्यांचा या निवडणुकीत पराभव केला होता. कुलदीप हे हरियाणाचे माजी मुख्यमंत्री भजनलाल यांचे पुत्र होत. कुलदीप बिश्नोईंनीही आता भाजपमध्ये प्रवेश केला आहे.
फोटो स्रोत, Sonali Phogat
या निवडणुकीतल्या पराभवानंतर सोनाली फोगाट यांचा एक व्हीडिओ व्हायरल झाला होता, ज्यात त्या एका व्यक्तीला मारहाण करताना दिसत होत्या. या व्हीडिओतली पीडित व्यक्ती हिस्सारच्या धान्य बाजारातला अधिकारी होता. सोनाली फोगाट यांनी या बाजाराशी संबंधित समस्यांवर बोलण्यासाठी तिथं गेल्या असताना हा प्रकार घडला. त्यावेळी सोनाली फोगाट यांच्यावर बरीच टीका झाली होती.
दिग्गजांकडून श्रद्धांजली
हरियाणाचे मुख्यमंत्री मनोहरलाल खट्टर यांनी सोनाली फोगाट यांना श्रद्धांजली अर्पण केलीय.
त्यांनी आपल्या ट्वीटमध्ये म्हटलंय की, "भाजप नेत्या श्रीमती सोनाली फोगाट यांच्या आकस्मिक निधनाची अत्यंत दु:खद बातमी कळली. ईश्वरानं दिवंगत आत्म्याला आपल्या चरणी स्थान द्यावं. शोकाकूळ कुटुंबीयांना असीम दु:ख सहन करण्याची शक्ती मिळो."
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 3
भाजपचे नेते कुलदीप बिश्नोई यांनीही सोनाली फोगाट यांना श्रद्धांजली अर्पण केलीय.
"सोनाली फोगाट यांच्या आकस्मिक निधनाची माहिती अत्यंत दु:खद आहे. त्या अत्यंत मनमिळाऊ आणि उत्तम कलाकार होत्या. परमपिता परमात्मांनी त्यांना आपल्या चरणी स्थान द्यावं आणि कुटुंबीयांना हे दु:ख सहन करण्याची ताकद मिळवो. ओम शांती"
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 4
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
