हाफिज सईदला 32 वर्षांची शिक्षा पण जेल मात्र 5 वर्षांचीच
फोटो स्रोत, Getty Images
26/11 मुंबई हल्ल्याचा कथित मास्टर माइंड आणि जमात उद दावाचा म्होरक्या हाफिज सईदला पाकिस्तानच्या कोर्टाने दोन वेगवेगळ्या खटल्यांमध्ये वेगवेगळ्या प्रकारच्या कालावधीच्या शिक्षा सुनावल्या आहेत. सर्वांत मोठा कालावधी 5 वर्षांचा आहे.
पहिल्या खटल्यात एकूण साडेपंधरा तर दुसऱ्या खटल्यात एकूण साडेसोळा वर्षांची शिक्षा सुनावण्यात आली आहे. जी एकूण 32 वर्षांची शिक्षा होते.
पण सर्व शिक्षांमध्ये सर्वांत मोठा कालावधी हा 5 वर्षांचा आहे. त्यातच या सगळ्या शिक्षा त्याला एकाच वेळी भोगाव्या लागणार आहेत. त्यामुळे ही शिक्षा केवळ पाच वर्षांचीच ठरणार आहे.
त्याच बरोबर पाकिस्तानच्या दहशातवादविरोधी कोर्टाने हाफिज सईदला 3,40,000 दंड ठोठावला आहे. तसंच त्याच्या संस्थेकडून चालवल्या जाणाऱ्या अस्थापनांवर टाच आणली आहे.
याआधी कोर्टानं त्याला दहशतवादाला पैसा पुरवल्याच्या आरोपाखाली 10 वर्षांची शिक्षा सुनावली आहे.
'मुंबई हल्ल्याचा मास्टर माइंड'
26 नोव्हेंबर 2008 रोजी मुंबईमध्ये दहशतवादी हल्ला करण्यात आला होता. या हल्ल्याने संपूर्ण देश हादरला होता. समुद्राच्या मार्गाने 10 दहशतवादी मुंबईत घुसले होते आणि त्यांनी मुंबईतील मोक्याच्या ठिकाणी हल्ले केले होते. या हल्ल्या हेमंत करकरे, अशोक कामटे आणि विजय साळासकर यांच्यासह अनेक पोलीस दहशतवाद्यांकडून ठार झाले होते.
तब्बल 60 तासांहून अधिक काळ दहशतवादी आणि पोलीस यांच्यात चकमक चालली. हेड कॉन्स्टेबल तुकाराम ओंबळे यांनी एका हल्लेखोराला पकडण्यासाठी आपल्या जीवाची बाजी लावली. त्या हल्लेखोराचे नाव अजमल कसाब आहे आणि तो पाकिस्तानातून आला आहे अशी माहिती तपासात मिळाली.
या हल्ल्याचे धागेदोरे पाकिस्तानमध्ये असल्याचं कळाल्यानंतर भारताने या हल्ल्याचा सूत्रधार हाफिज सईद आहे असं म्हटलं होतं. हाफिज सईद याला अटक करावी अशी मागणी लावून धरली होती.
जमात-उद-दावा आणि लष्कर-ए-तोएबा या अतिरेकी संघटनेचा म्होरक्या हाफिज सईदला शिक्षा होण्याची ही पहिलीच वेळ नाही. गेल्या वर्षीसुद्धा सईद आणि त्याच्या काही साथीदारांना अतिरेकी कारवायांना निधी पुरवल्या प्रकरणी शिक्षा सुनावण्यात आली होती.
फोटो स्रोत, ARIF ALI/AFP/GETTY IMAGES
हाफिज सईद कोण आहे?
हाफिज सईद लश्कर-ए-तोएबा या अतिरेकी संघटनेचा संस्थापक आहे. पाकिस्तानात तो जमात-उद-दावा ही संघटनाही चालवतो.
2008 साली 26 नोव्हेंबर रोजी मुंबईत झालेल्या साखळी बॉम्बस्फोटाचा तो मास्टरमाईंड आहे असं म्हटलं जातं. या हल्ल्यात पाकिस्तानातून आलेल्या 10 दहशतवादी 166 जणांना ठार केलं होतं. तर शेकडो लोक या दहशतवादी हल्ल्यात जखमी झाले होते.
हाफिज सईद याला संयुक्त राष्ट्र आणि अमेरिकेने 'आंतरराष्ट्रीय दहशतवादी' घोषित केलं आहे. त्याच्यावर 1 कोटी डॉलर्सचं बक्षीसही ठेवण्यात आलं होतं. आंतरराष्ट्रीय दबावामुळेच अतिरेकी कारवायांना निधी पुरवल्याच्या आरोपाखाली अटक करण्यात आली होती.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
