कोरोना लस : डेल्टा व्हेरियंटवर कोव्हॅक्सिन 65.2% परिणामकारक, भारत बायोटेकचा दावा
फोटो स्रोत, Getty Images / NurPhoto
कोव्हॅक्सिनच्या तिसऱ्या टप्प्यातल्या ट्रायल्सच्या आकडेवारीची विश्लेषण प्रक्रिया पूर्ण झाली असल्याचं या लशीची निर्मिती करणाऱ्या भारत बायोटेक कंपनीने जाहीर केलंय. डेल्टा व्हेरियंटवर कोव्हॅक्सिन 65.2% परिणामकारक असल्याचा दावा कंपनीने केलाय.
SARS - CoV2 च्या B.1.617.2 म्हणजेच डेल्टा व्हेरियंटवर कोव्हॅक्सिन लस 65.2% परिणामकारक आढळली असल्याचं भारत बायोटेकने जाहीर केलेल्या 'प्री - प्रिंट डेटा'मध्ये म्हटलंय.
याचा अर्थ कंपनीने प्रसिद्ध केलेल्या या संशोधन निष्कर्षांचा आढावा (Peer Review) अजून जगातल्या इतर संशोधकांनी घेतलेला नाही.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
18 ते 98 वयोगटातल्या 25,800 लोकांवर या चाचण्या घेण्यात आल्या. देशभरात 25 ठिकाणी या चाचण्या घेण्यात आल्या.
भारत बायोटेकच्या तिसऱ्या टप्प्यातल्या चाचण्यांचे निकाल
- असिम्प्टमॅटिक (लक्षणं न दिसणाऱ्या) कोव्हिडपासून 63% संरक्षण.
- सिम्प्टमॅटिक म्हणजे लक्षण आढळणाऱ्या सौम्य आणि मध्यम संसर्गापासून 78% संरक्षण.
- गंभीर कोरोना संसर्ग होण्यापासून आणि हॉस्पिटलमध्ये दाखल करावं लागण्यापासून 93% संरक्षण.
- B.1.617.2 म्हणजेच डेल्टा व्हेरियंटपासून 65.2% संरक्षण.
कोव्हॅक्सिन काय आहे?
कोव्हॅक्सिन एक इनअॅक्टिव्हेटेड व्हॅक्सिन आहे म्हणजे यात मृत कोरोना व्हायरस वापरला आहे. ही लस शरीरात गेली तर कोरोना व्हायरसला संपवू शकते, पण त्याने काही धोका होत नाही.
फोटो स्रोत, Getty Images / SOPA Images
ही लस भारत बायोटेकने बनवली आहे. भारत बायोटेकला गेल्या 24 वर्षांचा अनुभव आहे. या काळात त्यांनी 16 लशी बनवल्या आहेत आणि 123 देशांमध्ये निर्यात केल्या आहेत.
भारत बायोटेकने ही लस बनवताना भारताच्या राष्ट्रीय विषाणुविज्ञान संस्थेने अलग केलेल्या कोरोना व्हायरसचं सॅम्पल वापरलं होतं.
ही लस दिल्यानंतर शरीरातल्या रोगप्रतिकारक शक्ती मेलेल्या कोरोना व्हायरसची रचना ओळखू शकते. याने रोगप्रतिकारक शक्तीला कोरोना व्हायरस कसा आहे हे समजतं ज्यायोगे त्याच्याशी लढता येतं.
28 दिवसांच्या अंतराने या लशीचे 2 डोस घ्यावे लागतात.
अधिक जाणून घेण्यासाठी वाचा - भारतात कोणत्या लशी दिल्या जातात? कोव्हिशील्ड, कोव्हॅक्सिन, स्पुटनिक, कोव्होव्हॅक्स लशींची वैशिष्ट्यं काय?
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
