महाराष्ट्र लॉकडाऊन: ‘युपी बिहारचे मजूर मराठी माणसाचं कौतुक करताना महाराष्ट्राचा अभिमान वाटतो.'

पुणे-सोलापूर महामार्गावरून गावाकडं जाणाऱ्या मजुरांना गेल्या काही दिवसांपासून सुनीता बागल जेवण पुरवत आहेत. त्या सोलापूर जिल्ह्यातील माढा तालुक्यातल्या रांझणी गावच्या शेतकरी आहे.

सध्या लॉकडाऊनमुळे शहरातून हजारो कामगार गावाकडे चालत जातायत. महामार्गाजवळच्या गावांतून मजुरांच्या जेवणाची आणि पाण्याची सोय केली जातेय.

परप्रांतातल्या मजुरांसाठी घरातली आणि शेतातली कामं उरकून रोज सुनीता हे काम करत आहेत. अन्न आणि पाणी वाटपात तरुण मुलांचा विशेष सहभाग दिसत आहे.

कोरोनाची भीती त्यांना वाटत आहे. पण माणुसकी जपण्यासाठी ते हे काम करत आहेत.

तसंच स्वत:ची काळजी घेण्यासाठी मास्क, हँडग्लोव्ह, सॅनिटायझर आणि सुरक्षित अंतर ठेवत आहेत. या कामाची दाद देत स्थानिक पोलिसांनीही या गावकऱ्यांचं कौतुक केलं आहे.

बीबीसी मराठीचे प्रतिनिधी गणेश पोळ यांचा हा रिपोर्ट

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)