सारस आणि आरिफ एक महिन्यानंतर एकमेकांना भेटल्यावर काय घडलं?

सारस पक्षी आणि त्याचा मित्र आरिफ यांची तब्बल एक महिन्यानंतर पुन्हा भेट झाली. आरिफ यांना पाहिल्यानंतर सारस आनंदाने उड्या मारू लागला.

उत्तर प्रदेशमध्ये राजकीय वादामुळे सारस पक्ष्याला वन विभागाने आरिफपासून दूर केलं होतं. सध्या हा सारस पक्षी कानपूर येथील प्राणी संग्रहालयात आहे.

सरकारी परवानगी घेऊन आरिफ यांनी सारसची भेट घेतली.

उत्तर प्रदेशातील अमेठीत राहणारे आरिफ आणि सारस यांची मैत्री काही दिवसांपूर्वी खूप चर्चेत आली होती.

एक वर्षापूर्वी जखमी सारस पक्ष्यावर आरिफ यांनी उपचार केले आणि त्याचा सांभाळ केला. पण फेब्रुवारीमध्ये वन विभागाने त्या सारस पक्ष्याला प्राणी संग्रहालयात पाठवलं.

हेही वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता. 'गोष्ट दुनियेची', 'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)