Алматыда акимиат өрттөлүп, жарадарлар реанимацияга түштү (сүрөттөр)

Алматы шаарындагы акимиат курчоого алынып, ичине митингчилер кирип барганын Tengrinews басылмасы жазды.

Түштөн өтүп "Республика" аянтына 10 миңге чукул жарандар чогулду, күч кызматкерлери алардан көздөн жаш агызуучу газ жана кулак тундуруучу гранаталар менен коргонуп жатышат.

Алматы шаарынын борборун көздөй агылган демонстранттардын катары калыңдады. Zakon.kz басылмасы Сейфулина көчөсүндөгү айрым коомдук тамактануучу жайларга митингчилер кирип барганын жазып чыкты.

Шаарда коомдук транспорт үзгүлтүккө учураганы айтылууда

Алматы комендатурасы шаар тургундарын Толе Би көчөсүнө барбоого, Райымбек жана Абай проспектилерин айланып өтүүгө, борборго баш бакпоого чакырды.

Митингчилер Алматы шаарынын борборунда машиналарды өрттөп, медициналык тез жардам топторунун ишине тоскоол болуп жатканы айтылууда. (EK)

Жаңыөзөн синдрому-2022: эксперттер эмне дейт?

Токаев Жаңыөзөндөгү демонстранттарга кайрылды