Davide Astori onyendu Fiorentina anwụọla n'afọ 31
Ebe foto si, Getty Images
Onyendu otu egwururegwu bọọlụ Fiorentina n'akwa Italy bụ Davide Astori anwụọla n'afọ 31.
Astori na-agba ka onye nchekwa nwụrụ ka arụ rịara ya, ndị Fiorentina kwuru na Twitter.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Fiorentina kwesiri ịgbasị ndị Udinese bọọlụ na 'Serie A' taa mana akagbuola asọmpị ahụ.
Astori gbaara ndị Italy bọọlụ ugboro 14. Ọ si Cagliari gawa Fiorentina n'afọ 2016 ebe ọ gbaara ha bọọlụ ugboro 58.
N'otu aka ahụ, Cagliari na onwe ha kagburu asọmpi ha na Genoa kwesiri ịgba taa .
"Fiorentina na ada ezigbote iriuju maka ọnwụ onyendu anyị bụ Davide Astori," Fiorentina kwuru.
"Maka ọdachị a na etu o siri di, anyị na arịọ ka mmadụ niile kwanyere ndị nwe ya ugwu."
Astori bidoro njem bọọlụ ya na ụlọ mmụta nke ụmụaka n'AC Milan tupu ọ gawa Cagliari na 2008.
Ọ nọ afọ asaatọ na Cagliari, bụ ebe ọ sikwa ga gbaara ndị ọzọ bọọlụ n'ụdị ndị Bekee na-akpọ 'loan'.
Akụkọ ndị ga-amasị gị:
