Lee aha ndị Igbo echefuru echefu anaghịzị akpọ ụmụaka ugbua

Asụsụ Igbo bụ otu n’ime njirimara eji mara ndị Igbo bụ ndị si na mpaghara ọwụwa anyanwụ Naijirịa.

A ga-ahụta ndị n’asụ asụsụ Igbo na steeti dịka Imo, Abia, Enugwu, Ebonyi, Anambra, Delta, Rivas, AkwaIbom na ụfọdụ ebe na Benue Steeti.

Kama e nwere ọtụtụ ihe na-echere asụsụ Igbo aka mgba.

Nke kachasị bụ asụsụ Bekee na okpukperechi nke Kraịst nke ndị ọcha webatara ma guziere ndị Igbo.

Ọ bụ asụsụ bekee ka ọtụtụ ndị ji akparịta ụka ma e ji kwa ya ekuziri ụmụaka ihe site na nwata nke mere na a na-asụ ya karịa asụsụ Igbo.

Nke ọzọ abụrụ na ọtụtụ ndi nabatara okpukperechi nke Kraịst na-agbanwe aha ha ma nke ụmụ ha ma na-aza aha Bekee hiwere isi na okpukperechi a.

Nke a butere isi akụkọ anyị dịka ọtụtụ aha eji mara ndị Igbo oge gboo bụ ihe na-ala ala, ụfọdụ alaala kpamkpam!

Oge gboo, aha ndị Igbo na-enye ụmụ ha bụ aha dị omimi nke ihe ọ pụtara doro mmadụ niile anya.

Ụfọdụ aha a na-enye nwa amụrụ ọhụrụ bụ etu maọbụ ọnọdụ siri dị mgbe a mụrụ ya bụ nwata, ebe ụfọdụ bụ iji kwanyere nne maọbụ nna ugwu.

Ụfọdụ mgbe aha ndị a bụ nke eji akwanyere chi ha ugwu.

Lee ụfọdụ aha ndị Igbo na-aza oge gboo :

Akuagwu - Akụ na anaghị agwụ agwụ

Ahamefule - Nke a pụtara na agaghị echefu onye ahụ maọbụ na ama ya agaghị echi.

Anurunkem - Aha a na-ajụ ma enwere onye mara ihe ọ gabigara

Akankem - Aha dịka ajụjụ, Ọ bụ maka ọnọdụ m ka ị na-ekwu?

Afọọma - Ya na Ihuoma bụ otu ihe

Agwajimma - Agwa bụ mma mmadụ

Ahunanyaekwe - Ihe anya hụrụ ka mma iji gbaa ama

Chukwueke - Nke apụtara na ọ bụ Chukwu na-eke mmadụ

Chukwuegboogu - Aha a pụtara na ọ bụ Chukwu na-eweta udo

Chianuorumogu - Nke a bụ aha na-arịọ ka Chi onye ahụ lụọrọ ya ọgụ.

Chiagbanarinam - Nke a na-ekwu ka chị onye ahụ nonyere ya oge niile

Enyidiya - Nke abụ aha ụmụ nwaanyị na-egosi etu ya na dị ya si nwee ihunanya.

Ekemma - Nwata nwaanyị a mụrụ n'ụbọchị Eke.

na-ewetere ya,

Ihebuzoaju - Onye a na-ebu ụzọ achọta maọbụ ajụ ihe

Iheukwumere - Nke apụtara na oke mmadụ lọrọ onye ahụ uwa maọbụ na onye ahụ ga-abụ oke mmadụ

Ikweagwụ - Aha a pụtara na onye ahụ ga-enwe ike

Ihejiaba - Ihe mejipụtara akụ na ụba mmadụ

Nwaazụnahia - Aha pụtara na nwa dị oke mkpa ma na anaghị azụta nwa azụta

Nnaụgbọmma - Nna maọbụ onye na-eweta ihe ọma

Nnọchirionye - Aha pụtara na onye apụtara ụwa ị chọrọ nke ya na-enweghị onye ya na ya na-azọ ihe ọbụla.

Nwaogazirlila - Nwa ọ ga-agara nke ọma

Nwammuo -

Mgbaeke - Nke a bụ aha nwaanyị a mụrụ ụbọchị eke

Mkpachukwugboro - Nke a bụ aha na-egosi na onye ahụ bụ ngozi Chukwu jiri gboo mkpa.

Mgbaafọ - Nke a bụ aha nwaanyị a mụrụ ụbọchị afọ

Mgbanwkọ - Nke a bụ aha nwaanyị a mụrụ ụbọchị nkwọ

Mgbaorie - Nke a bụ aha nwaanyị a mụrụ ụbọchị eke

Ọnụhiaraodo - Aha pụtara na ọ bụ ihe mmadụ kwuru mere na onye ọzọ emeghị ihe ọma ọ chọrọ ịmere ya

Ọbụmneke - Nke a gosiri na mmadụ nabatara onwe ya

Oriemma - Nke abụ aha nwaanyị amụrụ ụbọchị orie.

Ọnụnekwu - Nke apụtara na ọ bụ ọnụ kwuru, maọbụ na ọ bụ ọnụ na-ebute okwu.

Ọnụzuruike - Aha pụtara ka mmadụ cgee uche tupu o kwuo okwu.

Ohajiriụka - Nke apụtara na ọ bụ ọha na-edozi esemokwu

Ọgọnna - Nke a pụtara na nna nwata na-ahụ ya dịka onyinye ọma

Ogoesookwu - Aha na-ekwu na ọgọ anaghị ebute esemokwu

Ogomegbunam - Obi ebere m agaghị egbu m

Onukwufo - Nke apụtara na ọ bụ ọnụ kwuru, maọbụ na ọ bụ ọnụ na-ebute okwu.

Uwaagaotuihu

Urubedi - Nke abụ aha ndị Igbo ji egosi na-alụdịnanwunye bara oke uru

Ụwaanụakwa - Ụwa anaghị anụ akwa mmadụ oge ụfọdụ

Ụwaadịghịkaechere - Aha na-ekwu na ọbụghị ihe mmadụ na-atụanya ka ụwa