Foto na-egosi etu e si mee ngagharịiwe n'ụwa maka ogbunigwe a tụrụ n'ụlọọgwụ Gaza

Nwafọ Lebanon ka o ji ọkọlọtọ mba Palestinian ka ọ nọ ọdụ n'elu isingwu mmadụ na Beirut

- Onye dere ya, By Andrew Webb
- Ndị mere akụkọ a, BBC World Service
19 Ọktọba 2023
Mgbe ikpeazụ e tinyere ya ozi ọhụrụ 20 Ọktọba 2023

Ngagharịiwe adapụtala n'ụfọdụ mpaghara ụwa maka ogbunigwe gbara n'ụlọọgwụ Gaza n'ụbọchị Tuzde bụ ndị gọọmentị Palestine kwuru na ọtụtụ narị mmadụ nwụrụ.

Otu onye dọkịta katọrọ nke a ma kpọọ ya 'igbu ọchụ' n'ụlọọgwụ Al-Ahli Arab ebe onye ọzọ kwuru na nke a bụ mbimbi.

Ndị ọrụ mba Palestine sị na ọ bụ mba Isreal tụrụ ogbunigwe ahụ.

Mana ndịagha mba Isreal kwuru na ọ bụ ogbunigwe ndị oyi ndụ egwu na Palestine tụrụ bụ nke dajọrọ - ndịagha nnupuisi a jụrụ ịnabata ebubo ahụ.

Ọnụ na-ekwuru ndịagha mba Isreal bụ Daniel Hagari, kwusiri ike na ihe akaebe ahụrụ anya kwadoro nke a ma gosikwa ozi ekwentị nke ọ sị n'aka onye otu Hamas mgbe o kwetere na ogbunigwe ha si n'akụkọ ebe a na-eli ozu tụọ dajọrọ. O kwuru na ihe onyonyo gosiri na ọ bụghị Isreal tụrụ ogbunigwe ahụ.

E mechara, ọnụ na-ekwuru otu Hamasa n'ụwa gwara BBC: "anyị enweghi ikike maọbụ akụrụngwa iji tụọ ogbunigwe nnukwu a."

Skip content and continue reading

Isreal-Hamas Conflict: Obibi ndụ na Gaza na ihe butere ọgbaghara ugbua20 Ọktọba 2023
Mmadụ 500 anwụọla n'ogbunigwe dara n'ụlọọgwụ dị na Gaza1 Nọvemba 2023
Isreal-Hamas conflict: Gịnị bụ ‘Dome’ a na-echekwa ihu eluigwe mba Isreal megide ogbunigwe?20 Ọktọba 2023

End of content

Lebanon: N'obodo Beirut

Ndị ndọrọ ndọrọ, ndịagha nakwa ọha a kpọro Hezbollah na Lebanon kporo oku ka e nwee "otu ụbọchị iwe" na Wenezde.

Ọtụtụ igwe mmadụ na-akpagharị n'okporoụzọ.

Skip Akachasị Gụọ and continue reading

Akachasị Gụọ

End of Akachasị Gụọ

Anwụrụọkụ anya mmiri na-ekoju n'ụlọọrụ mba Amerịka dị n'akụkụ Beirut nke Lebanon dịka ndị ngagharịiwe na-ama okwute na ihe ndị ọzọ na Wenezde 18 Ọktoba 2023

Ndị ọrụ nchekwa na ndị ngagharịiwe sọkatara isi n'ehihie ụbọchị Wenezde n'akụkọ ụlọọrụ nnọchiteanya mba Amerịka dị na Beirut.

Ndị mmadụ kwụ n'ihu ọkụ na-agba n'ezi n'ụlọorụ ndị ọrụ nchekwa n'oge ọgbaghara dapụtara n'etiti ndị ọrụ nchekwa na ndị ngagharịiwe n'ihu ụlọọrụ mba Amerịka dị na Beirut, Lebanon na 18 Ọktoba 2023

Na mbụ ngagharịiwe malitere n'ihu ụlọọrụ nnọchiteanya mba Amerịka n'abalị Tuzde, Hezbollah katọrọ ihe ndị otu a kpọrọ :mwakpo ọjọọ Isreal mere" n'ụlọọgwụ dị na Gaza.

Jordan: Obodo Amman

Ngagharịiwe na-aga n'ihu na mba Jordan, ebe igwe mmadụ chọburu ịbanye n'ụlọọrụ nnọchiteanya mba Amerịka na mbụ.

A kagbuola njem Onyeisiala Biden nke mba Amerịka chọburu ime maka ogbunigwe a gbara n'ụlọọgwụ, mana o mechara mee njem ahụ.

Tunisia: Obodo Tunis

Ọtụtụ puku mmadụ gbakọtara n'akụkụ ụlọọrụ nnọchiteanya mba France ka ha ji ihe ngosi nakwa ọkọlọtọ mba Lebanon fụchie onwe ha.

Ọtụtụ puku mmadụ gbakọtara n'ihu ụlọọrụ nnọchiteanya mba France, ụfọdụ na-ebo France ebubo iso si mpaghara "West na-akwado Zionists".

Ndị ọzọ na-akpọ oku ka mba ndị Arab niile gbakọta ma nwee ofu nkwekọrịta.

Colombia: Obodo Bogota

Otu nwaanyị ji ọkọlọtọ mba Palestine nọro n'etiti ndị ngagharịiwe na Bogota, Colombia

Ndị mmadụ mekwara ngagharịiwe na mpaghara Latin Amerịka.

N'isi obodo mba Colombian bụ Bogota, ndị ngagharịiwe pụtara n'okporoụzọ.

Israel akwụsịla iziga ndị nchekwa na mba Colombia maka nsogbu dapụtara n'etiti ha n'ihi ozi onyeisiala ha wepụtara na soshal midia ebe ọ na-atụnyere mwakpo Isreala na-eme na Gaza ka nke ndị Nazi mba Germany.

West Bank: Ramallah

Ndị ngagharịiwe kpuruchiri ihu ha, jiri ogwute ma nọrọ n'ihu ihe mgbochi nakwa ọkụ

N'abalị Tuzde bọtara ụtụtụ Wenezde, ndị na-eme ngagharịiwe mụnyere ọkụ ma gbochie ụzọ na-ama ndị uweojii okwute n'obodo Ramallah dị na West Bank.

Otu nwoke na-agafe n'ihu ọkụ a mụnyere n'okporoụzọ dị na Ramallah

Ndị uweojii obodo nke Palestina gbochiri ndị ngagharịiwe.

Aha onyonyo, Watch: Ndị ngagharịiwe na ndị ọrụ nchekwa sọkatara isi na Ramallah

West Bank: Obodo Nablus

Ndị ngagharịiwe na-efe ọkọlọtọ na Nablus

Igwe mmadụ gbakọtara na Nablus.

Mmalite ngagharịiwe na West Bank gosiri iwe na ọnụma juru ndị mmadụ n'obi kamgbe n'ebe Onyeisiala mba Palestine bụ Mahmoud Abbas nọ, onye a katọrọla ndịagha na ha na ndịagha Isreal na-agbakọta aka ịhụ maka nchekwa na mpaghara ahụ.