Idriss Deby news: Nwa ya bụ Mahamat Kaka Deby ga-anọchị ya dịka onyeisiala

Nwa Idriss Deby ga-anọchịte anya ya dịka onyeisiala mba Chad n'oge nta.

Dịka ọ si dị, ndị agha mba Chad ekposala gọọmentị mba ahị ma kwuo na ha ga-eme ntuliaka ọzọ n'ọnwa iri asatọ ọzọ n'abịa.

Ugbua, ehiwela mmachị ngagharị na mba Chad site n'elekere isii nke mgbede ruo elekere ise nke ụtụtụ.

Ndịagha mba Chad kwuru na Onyeisiala mba ahụ bụ Idriss Deby anwụọla site na apa ọnya o nwetara n'ihu agha, izu ole na ole ọ fọrọ ka e duo ya n'iyi ọrụ dịka onyeisiala agba nke isii ya.

Ndịagha mba ahụ na ndị agha nnupụisi na-achịpụ ya na isiobodo mba ahụ bụ N'Djamena.

Nwa amadi ahụ dị afọ iri isi na itoolu (69) tupu ọ nwụọ.

Onyeisiala Deby bụ onye bu ụzọ na ngụkọ mpụtara ntuliaka e mere n'abalị iri na otu (11) ọnwa Epreelụ, afọ 2021.

Ka ọ dị ugbua, a họpụtala nwa ya bụ, Generalụ Mahamat Idriss Deby ka o jidegodu ọkwa onyeisiala dịka a gbachiri agbata mba ahụ na mba ndị ọzọ.

Mana onye nkuzi mahadum bụ Evariste Ngarlem Toldé gwara BBC na nke a megidere iwu ala ahụ dịka iwu kwuru na ọ bụ onyeisi ụlọomeiwu mba ahụ kwesịrị iweghara ọchịchị ma hazie ntuliaka nke ọ gaghị eso azọ.

Ihe ndị ị kwesịrị ịma maka Deby