FBI list: Nwụchi ụmụ Naịjirịa 77 na mba Amerịka na-echekasị anyị
Ebe foto si, Getty Images
N'ime akwụkwọ ozi nke ụlọọrụ Nigerians in Diaspora Commission bụ NDiC depụtara, ha gosiri ebumnuche ha.
Ha kwuru na akụkọ ahụ na mba Amerịka nwụchiri mmadụ 77 maka mpụ ego na-echekasị ha obi.
Ebe foto si, @abikedabiri/twitter
Abike Dabiri bụ onyeisi ụlọọrụ ahụ kwuru na nwuchi mmadụ apụtaghị na ikpe mara onye ahụ.
"Anyị na-akpọ ndị e boro ebubo nọ Naịjirịa oku ka ha nyefe onwe ha n'aka ndị uweojii mba Amerịka" ka ha kwuru.
Na ngwụcha ha kwuru na agwa ụfọdụ ụmụ Naịjirịa egosighi agwa mmadụ niile nọ na mba ahụ.
Ebe foto si, Getty Images
Ngalaba na-ahụ maka ikpe nkwụmọtọ na mba Amerịka arụọla ụmụ Igbo ruru 70 ebubo mpụ ego.
Ọ bụ ụnyaahụ ka otu ndị na-ahụ maka nchekwa na mba Amerịka pụtara ịgbasa ozi ka ya bụ akụkọ pụtara ihe.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ha kọwara etu ha sị malite nyocha nwụchiri ndị a n'afọ 2016 ma kwuo na nyocha ka na-aga ihu.
N'ọnụ ha "anyị na-eme ihe a iji chekwa azụmahịa dị icheiche na mba Amerịka n'aka ndị na-eme mpụ ego na intaneti"
Mmadụ abụọ a kpọrọ aha bụ Valentine Iro na Chukwudi Igbokwe bụ isi sekpụ ntị n'akụkọ mpụu a.
Ha kwuru na anwụchiri mmadụ iri na otu ọzọ ebe abụọ nọ na mkpọrọ mbụ gbasara okwu a.
Ngalaba ahụ gwara ndị nọ n'azụmahịa hie asaa n'anya gbasara ịchekwa onwe ha n'azụmahịa intaneti.
