Cannabis: Gọọmentị Naịjirịa ọ chọziri ị na-akụ 'igbo'?
Ebe foto si, AFP
Ndị ọrụ gọọmentị Naịjirịa nọ na mba Thailand ịmụta etu e si akụ 'igbo'
Onyeisi ụlọọrụ na-ahụ maka mgbochi ọgwụike (NDLEA) bụ Mustapha Abdallah na gọvanọ Ondo Steeti bụ Rotimi Akeredolu so mee njem ahụ.
Kọmshịọna na-ahụ maka mgbasaozi na Ondo Steeti gwara BBC na gọvanọ ha na onyeisi ndị NDLEA gara mba Thailand iji chọpụta etu ha ji akụ igbo.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
N'okwu ya "A bịa na mpaghara Ugwu nke Naịjrịa ndị na-akụ igbo na ndị ọrụ NDLEA nọ n'ọgụ na mgba oge niile, mana gọvanọ a bịara kwuo ma onwere ihe ndị ọzọ bara uru a na-eji igbo eme,"
O kwuru na njem ha mere na Thailand bụ ịchọpụta ohere eji akụ igbo n'ebe o buru ibu na Ondo Steeti ma gbasa kwa ya.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Gọvanọ Steeti ahụ bụ Rotimi Akeredolu dịka ọ nọ na Thailand kwuru na Ondo steeti bụ ebe ama ama kachasị n'ịkụ igbo.
"Anyị nọ ebe a ị chọpụta etu igbo ga-eji baara steeti na Naịjirịa uru dịka etu gọọmentị mba Thailand jiri mee. Ha na-eji igbo akwọ ọrịa dị iche iche; etu a ga-eji akụ ya maka n'ụzọ dị mma na abụghị nke ọjọọ" o kwuru.
Ebe foto si, Getty Images
Dịka ọ dị ugbua igbo bụ ọgwụike a machiri amachi na Naịjirịa, ndị na-akụ, na-ere, na-aṅwụ ya nwereike ị ga mkpọrọ.
Mana mba ndị dịka Uruguay, Canada na Saụt Afrịka mere ka ọ bụrụ ihe a nabatara n'ụzọ dị iche iche.
