Ihe gọọmentị kwesiri ịme iji gbalahụ 'Recession'
Ebe foto si, Getty Images
Ọkachamara n'ihe gbasara akụnaụba obodo bụ Okechukwu Okere adụọla gọọmnetị etiti ndụmọdụ.
O kọwara na gọvanọ ndị steeti na-eti mkpu nwere ikike iti ya bụ mkpu.
Ọ sị na ọ bụ maka na ọtụtụ ihe metụtara ọchịchị na akụnaụba obodo adabanyeghị.
Gịnị bụzị usoro ga-agbanwe ihe?
Okere kọwara na gọọmentị etiti kwesiri ime Naịjirịa ka ọ bụrụ obodo ebe azụmahịa dị mfe site na Restructuiring.
Nke a pụtara na steeti dị icheiche agaghị atụkwasị anya n'ego gọọmentị etiti na-enye ha.
Ya mere na steeti dị icheiche kwesiri ịkwalite akụnaụba obodo nke ha.
O kwukwara na e kwesiri ịnwe mkparịtaụka n'etiti gọọmentị na steeti ndị a iji chọpụta ụzọ ha ga-esi mezuo ya bụ ihe.
Na ngwụcha, o kwuru na inye steeti ndị a enyemaka bụ ihe ga-eme ka ha kwuru n'onwe ha n'oge adịghị anya.
