AFCON U20: Otu bọọlụ mba Naịjirịa emeriela nke Nijey
Akụkọ dị mkpa taa
Ebe foto si, @thenff/Twitter
Otu bọọlụ Naịjirịa nke ndị erughị afọ 20 etozuola ịga asọmpị Iko Mba Afrịka dịka ha ji otu ọkpụ goolu merie mba Nijiey mgbe ha zutere onwe ha taa.
Na ndọrọndọrọ,
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ngalaba na-ahụ maka ntuliaka na Naịjirịa bụ Inec adọọtịala ohere ha nyere ndị mmadụ ịji nata PVC ha site n'ụbọchị Fraide ruo ụbọchị Monde
Ọ gụnyere ụbọchị satọde nakwa ụbọchị ụka site n'elekere itoolu nke ụtụtụ rue elekere isii nke mgbede kwa ụbọchị.
Ebe otu Citizen Forum, nke onye na-ede akwụkwọ ama ama bụ Wole Soyinka kpokọbara adọnyerela Kingsley Moghalu nke otu YPP ukwu maka ọkwa onyeisiala na 2019.
Joe Igbokwe nke APC na Ugochukwu Ikeakor nke PDP akpọọla Ndigbo oku ka ha pụta tụọ vootu ụbọchị ntuliaka iji kwado mwulite Alaigbo.
Ha kporo okwu a na mkparịtaụka ha na BBC Igbo nwere na Facebook n'ubọchị Fraide.
N'egwurewgu,
Ụwa niile, ọ kachasị ndị egwuregwu bọọlụ na-amasị pụtara ịgosi obi ntiwa ha dịka achọtara ozu Emiliano Sala bụ onye ọgba bọọlụ mba Ajentina nọ n'ime ụgboelu dara mmiri na mgbede tọọzde.
Akụkọ BBC Igbo n'ime otu nkeji
N'ụtụtụ,
Ebe foto si, @GarShehu
A zọgburu ihe ruru mmadụ abụọ ebe ọtụtụ ndị ọzọ merụrụ ahụ n'ọgbọ egwuregwu Jolly Nyame n'ọsọ achụmnta vootu APC mere na Jalingo Taraba Steeti.
Onyeisiala Buhari kwuru na ọ na-ewute ya nke ukwuu ma ndị hụrụ ya n'anya tufuo ndụ ha n'ihi ịkwado ya.
Ebe foto si, Getty Images
Obi ụtọ juru ụmụakwụkwọ mahadum afọ dịka otu jikọtara ndị nkuzi ha bụ ASUU akwụsịla abụbọ ọrụ ha bidoro kemgbe ọnwa atọ.
Nkwụsị a bịara na ngwụcha nzukọ ndị isi ha na minista na-ahu maka ọrụ bụ Chris Ngige nwere n'Abuja.
Ebe onyeisi ndị ASUU bụ Abiodun Ogunyemi sị ka ndị nkuzi bido ọrụ ozugbo.
N'ofesi,
Ebe foto si, Getty Images
Onye kachasị enwe ego n'ụwa bụ Jeff Bezos kwuru na ụlo ntaakụkọ National Enquirer yiri ya egwu na ha ga-agba ihe o jiri bụrụ nwoke n'anwụ ma ọ gwaghị ọha okwu masiri ha.
Ọ kwuru na Enquirer sị ya kwuo na ọbụghị ndọrọndọrọ mere ha ji ebu akụkọ gbasara ya n'akwụkwọ mgbasa ọzi ha.
N'egwuregwu,
Ebe foto si, PA
Achọpụtala na ozu ahụ ahụrụ n'ime ụgbọelu ahụ kpọkasiri akpọkasị bụ nke onye otu egwuregwu Cardiff City bụ Emiliano Sala.
Cheta na Sala mere njem na-aga Cardiff mgbe ụgbọelu ọ nọ na ya nke onye na-akwọ ya bụ David Ibbotson dabara na mmiri.
