National Assembly: Gịnị na-eme n'ụlọọrụ ndị omeiwu n'ụtụtụ a?

Aha onyonyo, National Assembly: Ndị DSS gbochiri ndị omeiwu ibanye ụlọọrụ ha

7 Ọgọọst 2018

Oge e ji agụ akụkọ nkeji 2

Ọnụ na-ekwuchitere osote onyeisiala Naịjirịa bụ Laolu Akande ekwuola na ha ga-enyocha ihe mere eji gbochie ụfọdụ sineto ị banye ụlọomeiwu n'ụtụtụ a.

O kwuru na ọ maghị ma akụkọ kwuburu na e gbochiri ụfọdụ ndị sinetọ ị banye n'ụlọọrụ ha a bụ eziokwu.

Ọ gwara BBC Igbo na ọ gaghị ekwulị ihe ọ bụla gbasara nkpebị ndị ọrụ nchekwa mere mgbochi a.

Cheta na BBC nwetara ozi n'ụtụtụ a na ndị uweojii pụrụiche na-egbochi ndị Sịnetọ ịbanye ụlọọrụ ha ugbua n'Abuja.

Ndị ọzọ na-ekwu na ọ bụ ụfọdụ sịnetọ ka DSS gbochiri ebe ha kwere ka ndị ọzọ banye.

Ihu ụlọomeiwu, National Assembly — Nkọwa foto, Ndị fụrụ ekpo na-egbochi ndị mmadụ ịbanye n'ụlọomeiwu Naịjirịa

A na-anụ kepu kepu na Ben Murray-Bruce bụ otu onye n'ime ndị e gbochiri ịbanye ụlọọrụ ha n'Abuja.

Akụkọ kwuru na-esi n'azụ ụlọ ezobanye ụfọdụ ndị sinetọ.

Olu Onemola bụ ọnụ na-ekwuchitere onyeisi ụlọomeiwu Naịjirịa bụ Bukola Saraki, tinyere ihe nkiri gosiri ka ndị DSS na-egbochi ndị mmadụ ibanye ụlọọrụ ha.

Skip Akachasị Gụọ and continue reading

Akachasị Gụọ

End of Akachasị Gụọ

O kwukwara na ọ bụ atụmatụ ndị nọ n'ọchịchị ichutu Saraki na Ike Ekweremadu bụ osote ya, n'isi oche.

Skip X post, 1

Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post, 1