Akụkọ dị mkpa n'abalị a: Ụlọomeiwu mba Saụt-Sudan enwetala ego mgbazinye ruru nde dọla 16 iji zụọ ụgbọala

Ndị ọchị ehi akpala ike karịa Boko Haram

Otu na-elebe anya n'ọgbaghara na mba ụwa bụ International Crisis Group ekwuola na ịkpa ike ndị na-achị ehi na Naịjirịa ji ugboro isii karịa nke ndị Boko Haram.

Nke a dị n'akwụkwọ ha wepụtara n'ọkara afọ a ma gwaa gọọmenti Naịjirịa ka ha kee ajị n'ume iji belata nwakpo ndị a.

Fr. Mbaka akatọọla ọchịchị Buhari

Ụkọchukwu a ma ama bụ Rev Fr. Ejike Mbaka ezigarala onyeisiala Muhammadu Buhari ozi na iwe Chineke adịla ọkụ n'ebe ọ nọ maka ọchịchị ya'.

N'okwu ya Mbaka siri na ọchịchị Buhari bụ 'Demon-cracy na ọ bụghị Democracy'.

Na Mba Afrịka

Ndị ụlọomeiwu mba Saụt-Sudan enwetala ego mgbazinye ruru nde dọla iri na isii n'aka gọọmentị ha, iji zụọrọ onwe ha ụgbọala.

Agbanyeghị na ndị mba ahụ gbarụrụ ihu n'ihi nke a, ọnụ na-ekwuru onyeisiala kwadoro nke a ma kwuo na ndị ụlọomeiwu agaghị anya ụgbọ ọgbatumtum.

N'egwuregwu:

Athletico Madrid ewerela ọkpụ goolu atọ asatara otu na penariti merie ndị Arsenal n'asọmpi International Champions Cup.

Athletico meriri na-agbanyeghi na ndị ọgba bọọlụ ha dịka Antoine Griezmann na Diego Costa esoghi n'asọmpi ahụ.

Gee nkeji anyị nke abalị a

Lee ihe nkiri anyị