Uweojii ga-enyocha isi mmadụ puku 130 chọrọ iso ha rụọ ọrụ
Ebe foto si, Getty Images
Ndị uweojii Naịjirịa kwuru na ha ga-enyocha isi mmadụ puku 130 chọrọ isolo ha rụọ ọrụ.
Osote onyeisi ndị uweojii Naịjirịa niile nke na-ahụ maka nkuzi ndị uweojii, kwuru nke a ka ha na-amalite usoro mkpọbata ndị ọhụrụ n'Abuja.
O kwuru na ihe kpatara a ga-eji nyochaa isi ha bụ ka a hụ na onweghị ndị nke na-aṅụ ọgwụ ike na-eri isi.
Ihe ruru mmadụ puku otu narị na iri atọ (130,000) tinyere akwụkwọ ịbanye ọrụ uweojii bụ ndị a họpụtara a ga-enyocha isi ha, ebe mmadụ puku isii (6000) bụ ndị uweojii na-ele anya iwe n'ọrụ dịka Kọnstable.
Ọ bụghị naanị isi ka a ga-enyocha ha, a ga-enyochakwa ahụ ha iji mara ma ha e nwere obiri n'aja ọcha (HIV), ebe a ga-enyocha ma e nwere ndị nke nwaanyị dị ime.
Ndị uweojii na-ekwu na ha enweghị mmadụ ole zuru ịhụ maka nchekwa mmadụ ruru nde abụọ (m200).
Content is not available
View content on FacebookBBC anaghị ahụta maka ọdịnaya nke saịtị ndị dị na mpụga.sEnd of Facebook post
Ndị mmadụ na-ajụ ma a ga-enyochakwa isi ndị uweojii ndị nke nogoro n'ọrụ ugbua maka mmekpa ahụ ha na-eme ụfọdụ ndị Naịjirịa.
BBC Igbo kpọrọ ọnụ na-ekwuchitere ndị uweojii bụ Jimoh Moshood n'ekwentị ka e nwee ike ịgba ya ajụjụ ọnụ maka nyocha a, mana ọ zaghị.
Akụkọ ndị ga-amasị gị:
