Champions League: Real Madrid na Bayern Munich bụ ndị mmeri

Nkọwa foto, Cristiano Ronaldo nyere goolu nke iri anọ na otu nke afọ a n'ime asọmpi nke a

12 Eprel 2018

Ndị Real Madrid mewara ndị Juventus obi ka ha ji otu ọkpụ goolu gbapụ ha n'asọmpị Champions league.

N'agbanyeghị na Juventus nyere goolu atọ n'abalị ụnyaahụ, goolu atọ ndị Madrid nyere ha na be ha tinyere otu nke ụnyaahụ, mere ka ha gafee banye na ọkara-ikpeazụ.

Mana Juventus tinyere nnukwu egwu n'ime ndị Real Madrid oge Mario Mandzukic nyere goolu abụọ n'ime nkeji abụọ eji bido egwuregwu nakwa n'ime nkeji iri atọ na asaa.

Blaise Matuidi nyere goolu nke atọ.

Ọ bụ goolu Cristiano Ronaldo ji penariti nye n'ime nkeji ise etinyere ka nkeji iri itoolu (90) eji agba ya bụ egwuregwu gachara, bụ ihe nyere Real Madrid mmeri.

Nkọwa foto, N'agbanyeghị na Arjen Robben bụ onye egwu ndị Bayern enyeghị goolu n'egwuregwu a, Bayern gafekwara n'ọkara-ikpeazụ

N'asọmpị ndị Bayern Munich na Sevilla ụnyaahụ, onweghị onye nyere goolu ọbụla, mana Bayern ji ọkpụ abụọ asataghị otu wee mmerie Sevilla na nchịkọta goolu ha.

Ndị otu ga-agba n'agba nke ọkara-ikpeazụ bụ Liverpool, Roma, Real Madrid na Bayern Munich.

Ogbubọọlụ Michael Oliver na onyenchebọọlụ Gianluigi Buffon

Skip Akachasị Gụọ and continue reading

Akachasị Gụọ