Ejizi maka Soshal midia achụ ndị uweojii?
Mgbe nwaada Ifeoluwa Adegoke, bụ onye ji akara @ife_luv12 na Twitter dere na otu onye uweojii wakporo ya ma yie ya egwu, n'ihi na ọ jụrụ inye ya ego n'agbanyeghị na onye uweojii ahụ kwuru na ọ gaghị ahapụ ya ma ọ bụrụ na o nyeghị ya ego, o mere ihe ndị mmadụ na-emezị ugbua iji hụ na ụwa matara ihe na-eme ha.
Adegoke dere ihe ndị SARS bụ ngalaba uweojii na-ahụ maka ndị ojiegbe ezu ohi, mere ya ma tinye akara Yomi Shogunle bụ onye uweojii na-ahụ maka ịkwụwa aka ọtọ n'uweojii.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
Ihe o dere wuru ewu ọfụma, ọkachasị mgbe Shogunle zara ya.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Emechara nwụchie onye uweojii aha ya dị n'akara ụlọakụ nwaada Ife jiri kwunye ego anaara ya.
ACP Shogunle kwuru na ha nwụchịkọrọ Charles Omotosho bụ onye uweojii na-arụ ọrụ n'Ikorodụ, dị na Legọsị, wee wepụ ya n'ọrụ.
N'okwu Adegoke, ndi uweojii mere ngwa ngwa hụ na o nwetara ikpe ziri ezi ọsịsọ, kpatara ndị mmadụ ji na-ajụ ma soshal midia ọbuzị ebe a na-ewega ikpe banyere ndị uweojii iji hụ na-emere ihe maka ya?
Cheta akụkọ Immanuel James Ibe-Anyanwu, bụ nwaafọ ndị SARS wakporo ka o si n'ụlọakụ apụta.
Maazị Ibe-Anyanwu tikwara mkpụ na sosal midi nke mere ndi mmadụ ji gbatara ya ọsọ enyemaka.
Gere ihe Immanuel James Ibe-Anyanwu gwara anyi mgbe ihe mere n'elu:
Otutụ mmadu na-ekwu na soshal midia bụ ihe ọma, okachasị mgbe ọ na-enye aka n'ụdịrị ihe a.
Mana enwere ndị na-akọwa na ihe ọjọọ na-esi soshal midia apụta, nke mere na ndị mmadụ kwesịrị ịkpachara anya ma ha na-eme ihe ha na-eme.
Ndị uweojii Naịjirịa so na ndị ụlọọrụ gọọmentị na-apụta na soshal midia ọfuma maka igeta na ime mkaprịtaụka ga-enye aka hụ na ihe kwesịrị ịga etu o kwesịrị.
Unyaahụ, ha mere emume ha kpọrọ '#AskThePolice', bụ nke nyere ndị mmadụ ohere ịjụ ha ajụjụ banyere ọrụ ha. Onye sara ajụjụ bụ onyeisi ndị uweojii bụ Ibrahim Idris.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 3
Akụkọ ga-amasị gị:
