Sineti chọrọ ka achụ ndị isi ọrụ nchekwa Naijiria

Ụlọomeiwu Sineti — Nkọwa foto, Sineti akpọbuola Mịnịsta na-ahụ maka nchekwa bụ Mansur Dan Ali, ka ọ bia kọwara ha ihe mere ndị agha Kamerun na ndị obodo ahụ ji gbara ọsọndụ enubata n'ala Naijiria n'enweghị nsogbu ọbụla.

18 Eprel 2018

Mgbe ikpeazụ e tinyere ya ozi ọhụrụ 16 Mee 2018

Ndị Sinetọ akpọọla onyeisiala Muhammadu Buhari ka ọ chụọ ndị isi ọrụ nchekwa ala Naijiria dịka ndị ọchịehi na ndị omekeome malitere ọzọ igbu mmadụ na-elghị anya n'azụ na Nasarawa steeti.

Na nkpakọrịtaụka nke onye na-anọchite anya Nasarawa steeti bụ Suleiman Adokwe kpalitere n'ụlọmeiwu n'ụbọchị Tuusde, ha kwuru na ike akwụla ndị Naijiria na gọọmentị na-akpụ afọ n'ala dịka o siri gbasa nchekwa.

Ka ndị Sineti kwekọrịtara n'okwu ahụ, ha kpọrọ oku ka Buhari gba ọsọ rịọ enyemaka mbaụwa n'ihe gbasara nsogbu nchekwa na Naijiria.

'A ga-akwụgbu onye a mara ikpe okwu asị'

Solomon Adeola Olamilekan nke Lagos Steeti kwuru maka mkpa ọdị ịchọ ụzọ ọhụrụ na'okwu gbasara nchekwa.

O kwuru n'ụzọ a ga-esi gbalahụ nsogbu nchekwa bụ ndị isi nchekwa ị nye ohere ka ndị ọhụrụ ji atụmatụ ọhụrụ bata.

Ọ sị: "Ala anyị kwesịrị igbalahụ iwelite oge ndị isi ọrụ nchekwa na-arụ ebe anyị nwere mkpa ụzọ ọhụrụ. Anyị ma ka ndịagha si eme. Ndị nwere atụmatụ agaghị enwe ohere ikwupụta uche ha gwa ndị isi ha, ma ọbụghị ya, e ziga ha ezumikenka n'ike."

Jeremiah Useni nọchitere Plateau steeti hụrụ nkwekọrịta na-adị n'etiti ndị ọrụ nchekwa dịka ihe so ebute nsogbu, kwuru ka ewepụ ndị isi, ka udo were chia n'etiti ndị ọrụ nchekwa.