Barayi sun kwashe wa Dele Alli gwala-gwalai

Karanta rubutu kawai domin rage cin data
Tottenham midfielder Dele Alli

Asalin hoton, Getty Images

Bayanan hoto, Alli ya buga wa tawagar Ingila a gasar kofin duniya

'Yan fashi rike da wuka sun shiga gidan dan kwallon Tottenham, Dele Alli inda suka kwashe masa dukiya.

Lamarin ya faru ne a ranar Laraba da asuba, inda mutum biyu maza suka shiga gidan dan kwallon Ingilar a yankin arewacin London.

Barayin sun yi wa Alli barazana da wuka sannan suka nushe shi - a yayin da ya ji rauni a fuskarsa.

Barayin sun yi awon gaba da gwala-gwalai kafin su tsere.

A halin yanzu dai, Alli ya mika wa 'yan sanda bidiyon CCTV na lamarin.