Jose Mourinho ya yi amai ya lashe

Kocin Manchester United Jose Mourinho ya ce burin da ya dauka na zama cikin kungiyoyin hudun farko a gasar Premier a karshen Disamba ya sauya.

Mourinho ya yi fatan ne kafin karawar da United ta tashi babu ci da Crystal Palace a ranar 24 ga watan Nuwamba.

Haka kuma bayan da kungiyar ta buga 2-2 a gidan Southampton, ya sa ta koma ta bakwai, ba ta cikin jerin wadanda za su buga gasar Champions League a wannan matakin.

Rabon da United ta yi nasara tun 3 ga watan Nuwamba da ta ci 2-1 a gidan Bournemouth.

Manchester United za ta karbi bakuncin Arsenal a ranar Laraba a gasar Premier wasan mako na 15.

Wasu karin labaran da za ku karanta