Kun san jam’iyyun da INEC ta soke?

Hukumar zaben Najeriya INEC ta soke rijistar jam'iyyu 74 a kasar.

Jam'iyyar tsohuwar ministar ilimin kasar, Oby Ezekwasili da tsohon dogarin tsohon shugaban kasar wato Manjo Hamza Al-Mustapha da wasu fitattun 'yan kasar na daga cikin wadana aka soke.

Shugaban hukumar INEC Mahmood Yakubu ne ya sanar da soke rajistar jam'iyyun a lokacin wani taron 'yan jarida a Abuja a ranar Alhamis.

Matakin da hukumar ta dauka ya rage yawan jam'iyyun siyasar kasar daga 92 zuwa 18 a halin yanzu. INEC ta dauki matakin ne bayan nazari a kan jam'iyyun kasar da yadda suka tabuka a zaben da ya gabata.

Jam'iyyun da suka rage

Yanzu jam'iyyun da suka rage a kasar kamar yadda INEC ta sanar su ne:

Biyu daga cikin jam'iyyun 18 da suka rage a kasar wato APP da BP na gaban kotu inda suka yi karar hukumar. Hakan ya sa ba a bayar da tabbaci game da matsayin jam'iyyun guda biyu ba.

Me yasa aka soke jam'iyyun?

Dokar kasar ta ba wa INEC damar yi wa jam'iyyu rijista, da kuma soke rijastar jam'iyyu- damar da shugaban INEC ya ce hukumar ta yi amfani da shi wajen soke rijistar jam'iyyun.

Sashe na 225A kundin tsarin mulkin kasar ya na cewa INEC na da ikon soke rijistar duka wata jam'iyya bisa wadannan ka'idojin:

Jam'iyyun da INEC ta soke wa rijista

Cikin jam'iyyun da INEC ta soke wa rijistarsu saboda gaza cika ka'idojin, har da na wasu fitattun mutane a kasar.

Daga ciki akwai jam'iyyar PCP da ta zo ta uku a zaben 2019 da kuma jam'iyyar NCP wadda Gani Fawehinmi ya kafa.

Jam'iyyar ACPN wadda tsohuwar ministar ilimin kasar kuma shugabar kungiyar rajin dawo da daliban makarantar 'yan mata da ke Chibok, Oby Ezekwesili ta kafa kuma ta tsaya takarar shugaban kasa na daga cikin wadanda sokewar ta shafa.

Akwai kuma jam'iyyar PPN wadda Manjo Hamza Al-mustapha (mai ritaya), dogarin tsohon shugaban mulkin sojin kasar Marigayi Sani Abacha, ya yi takarar shugaban kasa.

Sauran sun hada da jam'iyyun PCP da Fresh Party ta fitaccen mai wa'azin addinin Kirista Rev. Chris Okotie, wanda kuma shi ne dan takararta.

Jerin jam'iyyun da INEC ta soke

Zabukan da ke tafe

INEC ta sanar da 14 ga watan Maris a matsayin ranar da za ta gudanar da zaben cike gurbi na dan majalisar tarayya a Magama/Pategi a jihar Neja.

A ranar ne kuma za ta gudanar da zaben dan majisar dokokin jihar Kwara mai wakiltar mazabar Pategi da takwaransa mai wakiltar mazabar Kebbe a majalisar dokokin jihar Sokoto.

Farfesa Mahmood Yakubu ya kuma sanar da cewa hukumar za ta gudanar da zaben gwamnan jihar Edo a ranar 29 ga watan Satumban 2020.

Karin Labaran da za ku so ku karanta: