Ministocin a Najeriya: Su wane ne ƙusoshin gwamnatin Tinubu?

An rantsar da Bola Ahmed Tinubu Shugaban Najeriya na 16 a ranar 29 ga watan Mayu

Ya yi gwamnan Jihar Lagos daga 1999-2007

Ya taɓa zama sanata daga Lagos kuma ya samu horo a matsayin akanta

Kashim Shettima shi ne Mataimakin Shugaban Najeriya mai ci

Tsohon gwamnan Jihar Borno ne kuma tsohon sanata

Ya yi aiki a ɓangaren banki na tsawon lokaci

An naɗa Mohammed Badaru matsayin Ministan Tsaro

Ya yi gwamna a Jihar Jigawa daga 2015 zuwa 2023

Shi ne mai Gungun Masana'antun Talamiz, wani babban kamfani da ke da harkoki a ɓangaren motoci da sarrafa kaya da noma da kuma kiwo

Badaru Abubakar ya kammala Jami'ar Ahmadu Bello, Zariya inda ya samu digiri a fannin Akanta

An naɗa Bello Matawalle Ƙaramin Ministan Tsaro

Ya yi gwamna a Jihar Zamfara wa'adi ɗaya

Yana da horon aikin malanta, kuma ya taɓa zama Ɗan Majalisar Wakilai

An naɗa Olawale Edun Ministan Kuɗi kuma Ministan kula da Harkokin Tattalin Arziƙi

Shi ne Mashawarcin Shugaba Bola Tinubu na Musamman kan Manufofin Kuɗi

Ya taɓa zama Kwamishinan Kuɗi a Jihar Lagos

Ya yi aiki a Bankin Duniya kan tsare-tsaren tattalin arziƙi da harkoki kuɗi na ƙasashen Caribbean da Latin Amurka.

Ya haɗa gwiwa wajen kafa Bankin Stanbic IBTC.

An naɗa Atiku Bagudu Ministan Kasafin Kuɗi da Tsare-tsaren Tattalin Arziƙi

Ya yi gwamna a Jihar Kebbi daga 2015 zuwa 2023 kuma ya taɓa zama sanata.

Amini ne ga Sani Abacha, marigayi ɗan mulkin kama-karya na Najeriya. An taɓa kama shi a Amurka saboda halasta kuɗin haram, batun da ya cimma sasantawa a kan zaɓin a dawo da shi Najeriya.

An naɗa Tahir Mamman, Ministan Ilmi.

Ya kasance shugaban Jami'ar Baze ta Abuja

Kuma shi farfesa ne a fannin shari'a kuma lauya mai muƙamin SAN.

Ya taɓa zama babban darakta a Kwalejin Koyon Aikin Lauya ta Najeriya daga 2005 zuwa 2013.

An naɗa Olubunmi Tunji Ojo, Ministan Cikin Gida

Ya zama ɗan Majalisar Wakilai

Yana da digiri na biyu a fannin Sadarwar Dijital da Musayar Bayanai daga Jami'ar Lodon Metropolitan

An naɗa Tanko Snunu, Ƙaramin Ministan Ilmi

Tanko Sununu, ya kasance Ɗan Majalisar Wakilai daga Kebbi

Ya kasance likitan haihuwa da mata a Cibiyar Lafiya ta Tarayya, Birnin Kudu, inda ya yi aiki tun daga 2012

An naɗa Ali Pate Ministan kula da Harkokin Lafiya da Walwalar Jama'a

Likita ne kuma shi farfesa ne fannin Lafiyar Al'umma a Jami'ar Harvard

Ya taɓa zama Daraktan Lafiya da Abinci mai Gina Jiki da Yawan Jama'a kuma Daraktan Samar da Kuɗi kan Harkokin Mata da Ƙananan Yara da Masu tasowa a Bankin Duniya

An naɗa Tunji Alausa, Ƙaramin Ministan Lafiya da Walwalar Jama'a

Shi ne ya assasa kuma shugaban Cibiyar kula da Ƙoda da Cibiyar kula da Wankin Ƙoda ta Illinois a Amurka

Likitan ƙodan na da gogewar aiki ta tsawon shekara 30 a asibitocin gwamnati da masu zaman kansu

Ana naɗa Ibrahim Geidam, Ministan Harkokin Ƴan sanda

Ya yi gwamna a Jihar Yobe har karo uku kuma sanata ne daga jihar a wa'adi na biyu

Ya samu digirinsa ta farko a fannin Akanta kuma shi mamba ne a Cibiyar Ƙwararrun Akantocin Gwamnati ta Najeriya

An naɗa Imaan Suleiman Ibrahim Ƙaramar Ministar Harkokin Ƴan sanda

Ta kasance Babbar Daraktar Hukumar hana Fasa-ƙwaurin Ɗan'adam kafin a mayar da ita Kwamishiniyar Tarayya a Hukumar kula da 'Yan Gudun Hijira da 'Yan Ci-rani ta ƙasa

Ana naɗa David Umahi Ministan Ayyuka

Ya kasance sanata daga Jihar Ebonyi, inda ya yi gwamna daga 2015 zuwa 2023

An naɗa Ahmed Ɗangiwa, MInistan Gidaje da Raya Birane

Tsohon Manayan Darakta ne a Bankin Ba da Lamunin Gina Gidaje na Tarayya. Shi masanin zanen gine-gine ne

An naɗa Ahmed Tijjani Gwarzo, Ƙaramin Ministan Gidaje da Raya Birane.

Ya taɓa zama Mataimakin Gwamna a Jihar Kano daga 2007-2011

Tijjani Gwarzo a yanzu haka ƙwararren mai bincike ne a Cibiyar Wits School of Governance a Afirka ta Kudu.

Ya samu digirinsa ta farko a fannin kimiyya.

An naɗa Alƙali Ahmed, Ministan Sufuri

Ya taɓa zama sanata daga Jihar Gombe a tsakanin 2010 da 2023

Ya samu digirinsa na farko a fannin Kimiyyar Tattalin Arziƙi

An naɗa Dr Betta Edu Ministar Harkokin Jin Ƙai da Yaƙi da Fatara

Ta kasance Shugabar Mata ta ƙasa a Jam'iyyar APC kuma likita ce

Ta yi digiri na biyu a fannin kula da Lafiyar Al'umma a Ƙasashe masu Tasowa a Kwalejin Nazarin Tsafta da Likitancin Ƙasashe masu Zafi kuma Likitar kula da Lafiya Al'umma daga Jami'ar Amurka ta Texila

An naɗa Waheed Adebayo Adelabu Ministan Lantarki

Tsohon Mataimakin Gwamnan Babban Bankin Najeriya ne sashen Aikace-aikace

Ya yi takarar gwamna ba tare da yin nasara ba a Jihar Oyo a shekara ta 2019. Jami'in akantan ya fara aiki ne da Cibiyar PricewaterhouseCoopers.

An naɗa Abubakar Kyari, Ministan Noma da Wadata ƙasa da Abinci

Ya yi sanata daga daga Jihar Borno a tsakanin 2015 - 2022

Ya yi digirinsa ta biyu a fannin Gudanar da Harkokin Kasuwanci a Jami'ar Webster a St Louis cikin Missourin Amurka

An naɗa Aliyu Sabi, Ƙaramin Ministan Noma da Wadata Ƙasa da Abinci

Ya yi sanata tsawon wa'adi biyu daga Jihar Neja a tsakanin 2015 da kuma 2023

An naɗa Joseph Ustev, Ministan Albaraktun Ruwa da Tsafta

Ya yi digiri na uku a fannin Albarkatun Ruwa da Injiniyancin Muhalli

Ya taɓa zama Darakta a Cibiyar Bunƙasa Sana'o'in Dogaro da Kai a Jami'ar Tarayya ta Noma da ke Makurɗi daga 2013 zuwa 2017

Ya kuma riƙe muƙamin Kwamishina a Ma'aikatar Albarkatun Ruwa da Muhalli ta Jihar Binuwai

An naɗa Bello Muhammad Goronyo, Ƙaramin Ministan Albarkatun Ruwa da Tsafta

Ya taɓa zama Kwamishinan Yaɗa Labarai a Jihar Sokoto

An naɗa Abubakar Momoh, Ministan Raya Neja Delta

Shi injiniyan gine-gine ne kuma ya taɓa zama ɗan Majalisar Wakilai har karo biyu

An naɗa John Eno, Ministan Bunƙasa Wasanni

Ya zama sanata daga Jihar Ribas a tsakanin 2015 da 2019

Ya kuma yi ɗan Majalisar Wakilai da ɗan Majalisar Dokokin Jiha

An naɗa Adegboyega Oyetola, Ministan Arziƙin Teku

Ya zama Gwamnan Jihar Osun daga 2018-2022

Ya fara aiki a ɓangaren inshora bayan ya kammala Jami'ar Lagos da digiri a kan Inshora cikin 1978

An naɗa Bosun Tijani, Ministan Sadarwa, Ƙirƙire-ƙirƙire da Arziƙin Dijital

Da haɗin gwiwarsa aka kamfanin CcHub

Ya yi digiri na uku a fannin Tattalin Arziƙin Bunƙasa Ƙasa da Ƙirƙire-ƙirƙire daga Jami'ar Leicester

Ana naɗa Yusuf Maitama Tuggar, Ministan Harkokin Waje

Ya taɓa zama ɗan Majalisar Wakilai daga 2007 zuwa 2011

Ya kasance Jakadan Najeriya a Jamus tun daga 2017

An naɗa Festus Keyamo, Ministan Sufurin Sama da Bunƙasa Harkokin Samaniya

Ya yi Ƙaramin Ministan Raya Neja Delta da Ƙaramin Ministan Ƙwadago da Samar da Aikin Yi a gwamnatin Buhari

Shi lauya ne kuma ɗan fafutukar kare haƙƙin ɗan'adam

An naɗa Ishak Salako, Ƙaramin Ministan Muhalli

Shi likita ne kuma tsohon Kwamishinan Lafiya a Jihar Ogun

Ya kasance Babban Jami'i a Inuwar Masu Ruwa da Tsaki ta Ogun ta Yamma

An naɗa Uche Nnaji, Ministan Sabunta ƙere-ƙere, Kimiyya da Fasaha

Shi ɗan kasuwa ne

An naɗa Muhammad Idris, Ministan Labarai da Wayar da Kai

Shi ne mawallafin jaridar Blueprint kuma Babban Jami'in Talbijin ta Blueprint

Yana da digiri na biyu a Ingilishi

An naɗa Dr Dorris Aniche Uzoka, Ministar Masana'antu, Kasuwanci da Zuba Jari

Likita amma ta koma harkar banki, ita tsohuwar Kwamishiniyar Kuɗi ce da kula da Harkokin Tattalin Arziƙi a Jihar Imo

An naɗa Shuaibu Abubakar, Ministan Bunƙasa Ƙarafa

Shi Babban Darakta ne a Bankin Stanbic IBTC kuma yana da gogewa a fannin harkar bankin kamfanoni da zuba jari da kula da Kadarori

Ya samu digirinsa ta biyu a Jami'ar Oxford ta Birtaniya da kuma digirin farko da ƙarin ta biyu a Jami'ar Leicester.

An naɗa Dele Alake, Ministan Bunƙasa Ma'adanai

Shi ne Mashawarci na Musamman ga Shugaba Bola Tinubu kan Ayyukan na Musamman da Sadarwa da Tsare-tsare

Ya taɓa zama Kwamishinan Labarai da Tsare-tsare a Jihar Lagos

Shi ɗan jarida ne

An naɗa Uba Maigari, Ƙaramin Ministan Bunƙasa Ƙarafa

Shi tsohon Mataimakin Gwamna ne a Jihar Taraba amma an tsige shi a wani yanayi mai cike da taƙaddama bayan zaɓen 2003

Lauya ne shi

An naɗa Heineken Lokpobiri, Ƙaramin Ministan Albarkatun Man fetur sashen Mai

Ya kasance sanata karo biyu kafin Shugaba Buhari ya naɗa shi Ƙaramin Ministan Noma da Raya Karkara a 2015.

undefined

An naɗa Ekperipe Ekpo, Ƙaramin Ministan Albarkatun Man fetur harkar Gas

Ya taɓ zama ɗan Majalisar Wakilai daga 2007 zuwa 2011

An naɗa Simon Baƙo Lalong, Ministan Ƙwadago da Samar da Aikin Yi

Ya kasance Gwamnan Jihar Filato har karo biyu

An zaɓe ɗan Majalisar Dokokin Jihar Filato a 1998 kuma ya zama Shugaban Majalisar a 2000

Lalong shi ne babban daraktan kwamitin yaƙin neman zaɓen Shugaba Tinubu

Lola Ade-John ce Ministar Yawon Buɗe Ido

Ƙwararriya ce a fannin fasahar sadarwa wadda ta yi aiki a Bankin Access da Bankin UBA da Ecobank da Novateur Business Technology

Ta karanta fannin Kimiyyar Kwamfyuta a Jami'ar Ibadan

An naɗa Nkeiruka Onyejeocha, Ƙaramar Ministar Ƙwadaga da Aikin Yi

Ta kasance 'yar Majalisar Wakilai daga Jihar Abiya

Ta taɓa riƙe kantomar Ƙaramar Hukumar Umunneochi a Jihar Abiya

An naɗa Lateef Fagbemi, Ministan Shari'a kuma Atoni Janar na Tarayya

Shi Babban Lauya ne mai lambar SAN wanda ya zama lauya a 1984

An naɗa Uju Kennedy-Ohanenye, Ministar Mata

Ta kasance 'yar kasuwa da harkoki wajen gina rukunin gidaje da ilmi

An naɗa Nyesom Wike, Ministan Babban Birnin Tarayya

Ya yi Gwamna a Jihar Ribas daga 2015-2023 kuma shi lauya ne

An naɗa Mairiga Mahmud, Ƙaramar Ministar Babban Birnin Tarayya

Ta taɓa zama kwamishiniyar Ilmi mai Zurfi a Jihar Kano

Ta kasance wakiliya a Kwalejin Karatun Likitanci na Gaba da Digiri da Cibiyar Likitoci a Kwalejin Afirka ta Yamma

An naɗa Hannatu Musawa, Ministar Fasaha, Al'adu da Arziƙin Ƙage-ƙage

Ta kasance Mashawarciya ta Musamman ga Shugaba Tinubu a kan Al'adu da Nishaɗantarwa

Ita lauya ce kuma tana karatun digiri na uku

An naɗa Zephanian Jisalo, Ministan Ayyuka na Musamman da Hulɗa tsakanin Gwamnatoci

An zaɓe shi har karo biyu ɗan Majalisar Wakilai kuma sau biyu yana zama shugaban Ƙaramar Hukumar Abuja Municipal (AMAC)

Yana da babbar difloma a fannin nazarin halayyar ɗan'adam da difloma a fannin Shari'ar Manyan Laifuka daga Jami'ar Jos, yana kuma da difloma a fannin Hulɗa da Jama'a daga Cibiyar Horas da Aikin Jarida da Fasaha