An tsare matar mataimakin shugaban Zimbabwe saboda rashawa

Karanta rubutu kawai domin rage cin data

Ministan kudin Zimbabwe Mthuli Ncube a sadda ya isa majalisa don gabatar da kasafin kudin kasar jim kadan bayan fitar da sabuwar takardar kudi a ranar 14 ga watan Nuwamba 2019 — Bayanan hoto, Ministan kudin Zimbabwe Mthuli Ncube a sadda ya isa majalisa don gabatar da kasafin kudin kasar a ranar 14 ga watan Nuwamba 2019

15 Disamba 2019

Matar mataimakin shugaban kasar Zimbabwe Constantino Chiwenga, na tsare a hannun jami'an tsaro saboda zarginta ta ta'ammuli da haramtattun kudaden kasashe waje.

Hukumar yaki da cin hanci da rashawar kasar ta ce an tsare Marry Mubaiwa ne a yammacin Asabar. Gobe Litinin ne ake sa ran gurfanar da ita a gaban kotu.

Kotu ta daure tsohon shugaban kasar Sudan Omar al-Bashir kan rashawa
Zimbabwe za ta fitar da sabuwar takardar kudi
Robert Mugabe: Hotunan rayuwar tsohon shugaban Zimbabwe

Tuhumar da ake wa Marry ta hada da batun sayen motocin alfarma guda biyu da ta yi a Afirka ta Kudu.

Rahotanni na cewa Marry na bin wata kazamar hanyar neman rabuwa da mijinta, wanda aka jima ana ganinsa a matsayin babbar barazana ga shugaba Emmerson Mnangagwa a siyasance.

Shugaba Mnangagwa na fuskantar karin matsin lamba a kan matsalar tattalin arzikin kasar, kuma ya yi alkawarin magance matsalar cin hanci da rashawa.