Saduwa a mota ba ta keta dokar Najeriya ba - 'Yan sanda
Asalin hoton, Getty Images
'Yan sanda a Najeriya sun ce yin jima'i cikin mota a bainar jama'a ba laifi ba ne.
Babban jami'in ofishin sauraren korafin jama'a na rundunar 'yan sandan ne Abayomi Shogunle ya fadi haka a yayin da yake amsa tambayoyi a Twitter.
An tambayi jami'in ne "ko laifi ne yin jima'i a cikin motarsa?" Sai ya ce "ba laifi ba ne" amma idan an kiyaye wasu sharudda.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Jami'in ya ce "jima'i cikin mota ba laifi ba ne a Najeriya, idan wurin da ake yi ba wurin ibada ba ne, kuma wadanda ke yi sun haura shekara 18".
"Kuma da yardar dukkanin bangarorin da ke aikatawa, kuma Mace da Namiji ne."
Ya kuma ce idan mutum har na fuskantar barazana a yayin aikata jami'in a mota, yana iya sanar da 'yan sanda.
Wadannan bayanan na jami'in 'yan sandan ya ja hankali sosai a kafofin sada zumunta, inda ya samu tsokacin mutane sama da dubu 100.
Kalaman sun janyo yabo da suka, yayin da wasu ke cewa ba dukkanin 'yan sanda ba ne suke sane da haka, domin sun sha kame mace da namiji da suka kebe mota.
Masu suka kuma na cewa hakan ya saba wa al'adar tarbiya a Najeriya.
Za a dai ci gaba da muhawara kan wannan batu a kasar.
