Da gaske Maryam Booth za ta auri Sadiq Zazzabi?
Asalin hoton, Kannywoodcelebrities
Ana ce-ce-ku-ce kan wasu hotuna da fitacciyar jarumar fina-finan Kannywood Maryam Booth ta wallafa na bikin aure.
Jarumar ta wallafa hotunanta tare da Sadiq Zazzabi mawakin Hausa kamar ango da amarya, hotunan da ke nuna kauna da soyayya.
Hotunan sun ja hankalin mabiyanta da ma'abota fina-finan Hausa.
An ta yada hutunan a shafukan sada zumunta na intanet cewa Maryam Booth za ta yi aure.
Wannan labari ne na dauke da bayanai da Instagram suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta Instagram da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a Instagram
Wasu na tunanin a fim ne, yayin da wasu ke cewa da gaske ne za ta auri Sadiq Zazzabi ganin cewa mawaki ne da ba ya fitowa a fim.
BBC ta tuntubi Maryam Booth domin tabbatar da ko da gaske ne za ta auri Sadiq Zazzabi.
"Ban yi aure ba, a wani fim ne da ake kan shirya wa," in ji ta.
Ta kara da cewa an dauki hotunan ne a wani fim mai suna Gidan Biki na hudu da suka fito tare da mawakin.
Wasu Labaran da za ku so ku karanta
