Nigeria: Gobara ta cinye shaguna a kasuwar Panteka

Karanta rubutu kawai domin rage cin data
'Yan Kasuwar sun tafka asara ta miliyoyin Naira.
Bayanan hoto, 'Yan Kasuwar sun tafka asara ta miliyoyin Naira.

Wata mummunar gobara ta cinye shaguna da dama a kasuwar Panteka da ke Tudun Wada a jihar Kaduna a arewa maso yammacin Najeriya.

Wakilin BBC wanda ya ziyarci kasuwar ya ce gobarar ta tashi ne da sanyin safiyar ranar Juma'a inda ta haddasa asarar kayayyaki da dukiyoyi kafin a shawo kanta.

Tsohuwar kasuwar Panteka kasuwa ce da ake sayar da Katako Karafuna da sauran kayan gine gine
Bayanan hoto, Tsohuwar kasuwar Panteka kasuwa ce da ake sayar da Katako Karafuna da sauran kayan gine gine

Tsohuwar kasuwar Panteka dai kasuwa ce da ake sayar da Katako, karafuna da sauran kayan gine gine.

Wani jami'ai a hukumar bada agajin gaggawa ta jihar Kaduna SEMA ya ce a halin yanzu ana ci gaba da bincike don gano masabbabin tashin gobarar.

Gwamnan jihar Kaduna Malam Nasir Ahmad El-Rufai ya ziyarci kasuwar

Asalin hoton, KADUNA GOVERNOR

Bayanan hoto, Gwamnan jihar Kaduna Malam Nasir Ahmad El-Rufai ya ziyarci kasuwar

Tuni gwamnan jihar Kaduna Malam Nasir Ahmad El-Rufai ya ziyarci kasuwar don jajantawa wadanda suka yi asara.

Matsalar barkewar gobara dai na neman zama tamkar ruwan dare a kasuwannin Nigeria inda a kowace shekara take haddasa barna mai dimbin yawa.