Kwastam sun kama ɗaruruwan bindigogi a Lagos

Karanta rubutu kawai domin rage cin data
Apapa Port

Asalin hoton, AFP/GETTY

Bayanan hoto, Hukumar hana fasa-ƙwaurin ta ce ta kama bindigogin ne a kan iyakokin ƙasar da ke Lagos

Hukumar hana fasa ƙwauri a Najeriya ta ce ta kama ɗaruruwan bindigogi da wasu mutane suka yi yunƙurin shiga da su ƙasar.

Hukumar ta tabbatarwa da BBC cewa bindigogin, waɗanda ta kama a Lagos, guda 661 ne.

Ta ce an kama mutum uku ciki har da jami'in fiton da ya shigo da kwantainar da aka ɓoye bindigogin a ciki

Jami'an kwastam sun kama makaman ne a wata unguwa mai suna Mile 2 da ke daf da gabar teku, yayin wani aikin sake tantance kayan da aka shigo da su.

Bindigogin na cikin wata kwantaina ce, wadda takardunta ke nuna cewa ƙofofin gida ne a ciki.

Najeriya dai tana fama da rikicin 'yan tayar-da-ƙayar-baya a yankin Arewa maso Gabashi da kuma ayyukan tsageru masu fasa bututan man fetur a yankin Neja-Delta mai arziƙin mai.