Abakinnyi b'ikipe ya Leicester City bari muri Thailand gushyingura nyir'iyi kipe

Inyandiko gusa
Abakinnyi ba Leicester bitabiriye amasengesho yo mu idini rya Buddha yabaye ku cyumweru yo gusabira Vichai Srivaddhanaprabha

Ahavuye isanamu, KING POWER

Insiguro y'isanamu, Abakinnyi ba Leicester bitabiriye amasengesho yo mu idini rya Buddha yabaye ku cyumweru yo gusabira Vichai Srivaddhanaprabha

Abakinnyi b'ikipe ya Leicester City bari mu gihugu cya Thailand mu muhango wo gushyingura nyir'iyi kipe, wapfiriye mu mpanuka y'indege ye ya kajugujuju mu kwezi gushize kwa cumi.

Rutahizamu Jamie Vardy na kapiteni Wes Morgan ni bamwe mu bakinnyi bitabiriye amasengesho abera mu rusengero ruri mu murwa mukuru Bangkok, mu muhango wo gushyingura Vichai Srivaddhanaprabha.

Ni umuhango watangiye ku wa gatandatu, utangirana n'imigenzo yo mu idini rya Buddha yo koza umurambo, ukaba wakurikiwe n'imihango izamara icyumweru yo kugaruka ku byaranze nyakwigendera.

Indege ya kajugujugu Bwana Vichai yari arimo, yakoze impanuka hashize akanya gato ihagurutse ku kibuga King Power cya Leicester City, hari ku itariki ya 27 y'ukwezi gushize kwa cumi.

Bwana Vichai n'abandi bane bari kumwe bapfiriye muri iyo mpanuka.

Abakinnyi barongera bitabire amasengesho kuri uyu wa mbere, mbere yo gusubira mu Bwongereza

Ahavuye isanamu, KING POWER

Insiguro y'isanamu, Abakinnyi barongera bitabire amasengesho kuri uyu wa mbere, mbere yo gusubira mu Bwongereza
Vichai Srivaddhanaprabha yaguze Leicester City mu mwaka wa 2010, ku giciro cya miliyoni 39 z'amapawundi

Ahavuye isanamu, AFP/GETTY IMAGES

Insiguro y'isanamu, Vichai Srivaddhanaprabha yaguze Leicester City mu mwaka wa 2010, ku giciro cya miliyoni 39 z'amapawundi

Abakinnyi ba Leicester City bakoze urugendo rw'indege rw'amasaha 12 berekeza muri Thailand, nyuma yo gutsinda Cardiff City 1-0 ku wa gatandatu.

Ni wo mukino wa mbere wo muri shampiyona ya Premier League bari bakinnye kuva nyir'iyi ikipe yapfa.

Harry Maguire, myugariro w'ikipe y'igihugu y'Ubwongereza na Liecester City, ni umwe mu bakinnyi bagiye muri Thailand

Ahavuye isanamu, KING POWER

Insiguro y'isanamu, Harry Maguire, myugariro w'ikipe y'igihugu y'Ubwongereza na Liecester City, ni umwe mu bakinnyi bagiye muri Thailand
Abakinnyi ba Leiecester City

Ahavuye isanamu, KING POWER

Ni umuhango uri kubera mu rusengero rwa Debsirindrawas i Bangkok

Ahavuye isanamu, EPA

Insiguro y'isanamu, Ni umuhango uri kubera mu rusengero rwa Debsirindrawas i Bangkok
Aiyawatt Srivaddhanaprabha, umuhungu wa nyakwigendera, ubwo yageraga ahari kubera umuhango wo gushyingura se, ku munsi wa kabiri wawo

Ahavuye isanamu, AFP

Insiguro y'isanamu, Aiyawatt Srivaddhanaprabha, umuhungu wa nyakwigendera, ubwo yageraga ahari kubera umuhango wo gushyingura se, ku munsi wa kabiri wawo

Igikomangomakazi Sirivannavari Nariratana cya Thailand, na we yitabiriye umuhango wo gushyingura Bwana Vichai, ku munsi wa kabiri wawo.

Skip Ibisomwa cane and continue reading
Ibisomwa cane

End of Ibisomwa cane

Nusara Suknamai, Kaveporn Punpare, n'umupilote wa kajugujugu Eric Swaffer n'umukunzi we Izabela Roza Lechowicz, na bo bapfiriye muri iyo mpanuka y'indege yabereye ku kibuga King Power cya Leicester City.

Umuhango wo gushyingura Madamu Nusara wabaye ku wa gatandatu.

Uyu Nusara wari ufite imyaka 32 y'amavuko, yari umwe mu bakozi ba nyir'ikipe ya Leicester City. Yabaye igisonga cya Nyampinga wa Thailand mu mwaka wa 2005, ubwo yarushanwaga nk'uwaserukiye intara ya Bangkok.

Umuhango wo gushyingura Madamu Nusara wabereye mu ntara ya Pathum Thani, hanze gato y'umurwa mukuru Bangkok

Ahavuye isanamu, Reuters

Insiguro y'isanamu, Umuhango wo gushyingura Madamu Nusara wabereye mu ntara ya Pathum Thani, hanze gato y'umurwa mukuru Bangkok
Somrueng Suknamai, nyina wa Nusara Suknamai, mu muhango wo gushyingura umukobwa we

Ahavuye isanamu, Reuters

Insiguro y'isanamu, Somrueng Suknamai, nyina wa Nusara Suknamai, mu muhango wo gushyingura umukobwa we

Urwego rukora iperereza ku mpanuka z'indege rwo mu Bwongereza, rukomeje iperereza ryo kumenya icyateye iyo mpanuka y'indege yaguyemo nyir'ikipe ya Leicester City.