Ubuyobozi bwa Manchester United bwatangaje ko bushyigikiye Mourinho, budashaka Zidane

Ubuyobozi bwa Manchester United bwatangaje ko bushyigikiye umutoza Jose Mourinho nubwo bwose yatsinzwe ku cyumweru n'ikipe ya Brighton ibitego 3-2.

Ibyavuye muri uwo mukino ndetse n'uburyo Manchester United yitwaye, byatumye umutoza Mourinho anengwa cyane.

Mourinho afatwa nk'uri ku isonga y'abatoza bo muri Premiere League bashobora kwirukanwa, bamwe bakavuga ko Zinedine Zidane wahoze atoza Real Madrid ashobora kuba ari we wamusimbura.

Umwe mu bayobozi ba Manchester United yagize ati:

"Ni iyihe mpamvu yatuma tuganira kuri Zidane kandi nta kazi gahari?"

Mourinho yababajwe no kuba atarashoboye kugura abandi bakinnyi ku mpeshyi ishize biyongera ku Munyabrezili Fred ukina hagati mu kibuga na myugariro ukiri muto Diogo Dalot, kuri ubu wavunitse.

Yashakaga abakinnyi b'inyongera bakina mu bakabiri ndetse n'ushobora kuba yajya asimburana na Anthony Martial.

Ariko aho hose, ubuyobozi bwa Manchester United bwavuze ko bwasanze nta mukinnyi ukwiye kuhakina wari uri ku isoko ry'abakinnyi.