Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Wayne Rooney yasezeye ku gukinira Ubwongereza
Wayne Rooney, rutahizamu watsindiye Ubwongereza ibitego bwinshi kurusha undi mukinnyi uwo ari we wese, yasezeye ku gukinira Ubwongereza.
Ni nyuma yo kwanga kujya mu ikipe y'igihugu izakina amajonjora y'igikombe cy'isi mu kwezi gutaha.
Rutahizamu Rooney ukinira ikipe ya Everton, yari yasabwe n'umutoza Gareth Southgate w'ikipe y'igihugu y'Ubwongereza ngo ajye ku rutonde rw'abakinnyi bazakina n'ikipe ya Malta n'iya Slovakia.
Rooney w'imyaka 31 y'amavuko, yagize ati: "Igihe cyose natoranyijwe mu ikipe y'igihugu byaranshimishije cyane ariko ubu ndemeza ko ari igihe cyo kugira ngo nsezere".
Rooney wigeze kuba kapiteni w'ikipe ya Manchester United, yatsinze ibitego 53 mu nshuro 119 yahamagawe mu ikipe y'igihugu.
Mu kwezi kwa gatandatu, Rooney ntiyahamagawe n'umutoza Southgate ngo abe mu ikipe y'Ubwongereza yakinnye na Scotland ndetse n'Ubufaransa.
Mu kwezi kwa 2 ko mu mwaka wa 2003, nibwo Rooney yatangiye gukinira ikipe y'igihugu y'Ubwongereza. Icyo gihe Ubwongereza bwatsinzwe na Australia 3-1, mu mukino wabereye ku kibuga Upton Park.
