La Haye - Kabuga: Kuba adashaka umwunganira ntanitabe urubanza bifite ingaruka ki?

Kuva urubanza aregwamo ibyaba bya jenoside yakorewe mu Rwanda mu 1994 rwatangira i La Haye mu Buholandi, Félicien Kabuga yaranze kwitaba urwo rubanza akaba atanemera umwunganira yahawe n'urukiko.

Bwana Kabuga, uhakana ibyaha byose aregwa, we n'umuryango we bavuga ko umwunganira atamwitayeho, ntamuhe amakuru eka ngo ntarigera anajya kumureba.

Uwo muryango wa Kabuga uvuga ko bashaka uwundi mwunganizi bo bihitiyemo, ariko abacamanza b'urugereko rwa MICT, rwasigaranye imanza zitarangijwe n'urukiko rwa ICTR, banzuye ko Kabuga agumana umwunganira yahawe n'urukiko.

Twashatse kumenya niba hari imbogamizi urukiko ruzahura nazo bitewe n'uko uregwa adashaka umwunganira kandi ntanagaragare mu rubanza.

Twegereye Ernest Sagaga, yazobereye iby'inkiko mpuzamahanga, akaba yaranakoze mu Rukiko Mpanabyaha Mpuzamahanga, maze aduha ibisobanuro (umva aho hejuru ikiganiro yagiranye na Jacques Niyitegeka).