Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Abarwanyi ba Wagner bazaguma muri Mali na Centrafrique – Lavrov
Minisitiri w'ububanyi n'amahanga w'Uburusiya Sergei Lavrov yavuze kuri ejo hazaza h'abarwanyi b'abacanshuro b'Abarusiya bo mu mutwe wa Wagner bakorera muri Afurika.
Kuva haba impagarara zo mu mpera y'icyumweru gishize zirimo umutwe wa Wagner n'umukuru wawo Yevgeny Prigozhin, habayeho kwibanda, kandi birumvikana, ku Burusiya no kuri Ukraine.
Ariko umutwe wa Wagner ukorera mu bihugu byinshi byo muri Afurika – birimo nka Centrafrique na Mali, aho washinjwe gukora amarorerwa hamwe n'ibyaha byo mu ntambara.
Hakomeje kwibazwa kuri ejo hazaza ho kohereza abo barwanyi muri Afurika, babonwa na benshi nk'abahagarariye mu buryo buteruye leta y'Uburusiya.
Ariko ibiro ntaramakuru AFP bitangaza ko ubwo yavugiraga kuri televiziyo RT ya leta y'Uburusiya, Lavrov yavuze ko ibikorwa bya Wagner bizakomeza.
Minisitiri Lavrov yavuze ko abagize Wagner "bahakorera nk'abarimu ba gisirikare. Uyu murimo, birumvikana, uzakomeza".
AFP isubiramo amagambo ye avuga ko igikorwa cy'ubwigomeke cyapfubye cyo mu mpera y'icyumweru gishize kitazahindura umubano w'Uburusiya n'"abafatanyabikorwa hamwe n'inshuti" zabwo.
