Amerika: ISIS ibangamiye akarere kose

Inyandiko gusa
Ibitero mu mujyi wa kabiri munini muri Iraki, Mosul, byangije byinshi

Ahavuye isanamu, Reuters

Insiguro y'isanamu, Ibitero mu mujyi wa kabiri munini muri Iraki, Mosul, byangije byinshi

Amerika yavuze ko umutwe w'intagondwa z'abayisilamu, Islamic State of Iraq na Levant, ISIS, uteje impungenge akarere kose nyuma yaho ufatiye umujyi wa 2 wa Iraki, Mosul.

Ministiri w'intebe wa Iraki, Nouri al-Maliki, yahise ashyira igihugu mu bihe bidasanzwe, anasaba inteko ishinga amategeko gushyiraho amategeko y'ibihe bidasanzwe.

Hari amakuru avuga ko igisirikare cya leta n'igipolisi byataye ibirindiro by'abo igihe byarwanaga n'intagondwa zo muri uwo mutwe wa ISIS ukorana n'umutwe wa al-Qaeda.

Ayo makuru avuga ko izo ntagondwa zabohoye abanyururu bagera ku bihumbi 3.

Hari amakuru avuga kandi ko izo ntagondwa ubu zitangiye kwigarurira uduce two mu ntara ya Kirkuk.