Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Senegal: Minisitiri yirukanwe nyuma yuko impinja 11 zishwe n'inkongi y'umuriro
- Umwanditsi, Nicolas Négoce
- Igikorwa, BBC News
Perezida wa Sénégal Macky Sall yirukanye Minisitiri w'ubuzima Abdoulaye Diouf Sarr, nyuma yuko abana y'impinja 11 bishwe n'inkongi y'umuriro mu bitaro ku wa gatatu.
Sarr azasimburwa na Marie Khemesse Ngom Ndiaye, wari usanzwe ari umuyobozi mukuru muri minisiteri y'ubuzima, nyuma y'ibyo byago byabereye mu mujyi wa Tivaouane mu burengerazuba bw'igihugu.
Uwo muriro - wahise ukwira mu gice kiba kirimo impinja zavutse mu bitaro 'Hôpital Mame Abdou Aziz Sy Dabakh de Tivaouane' - bivugwa ko watewe n'ikibazo mu nsinga z'amashanyarazi, ibizwi nka 'short circuit' cyangwa 'court circuit'.
Umukuru w'uwo mujyi Demba Diop Sy yavuze ko impinja eshatu zarokowe zikuwe muri uwo muriro.
Perezida Sall yatangaje icyunamo (ikigandaro mu Kirundi) cy'iminsi itatu mu gihugu. Yanategetse ko hakorwa iperereza kuri ibyo byago.
Biteganyijwe ko ku wa gatandatu akorera uruzinduko i Tivaouane agahura n'abo mu miryango y'abo bana.
Benshi bakurikiranira hafi iby'urwego rw'ubuvuzi rwa Sénégal bavuga ko rwugarijwe n'ibibazo by'abakozi, ibikorwa-remezo, ibikoresho n'amafaranga yo gukoresha mu bikorwa byarwo.
Urukurikirane rw'izindi mpfu na rwo rwateje impungenge ku buzima bw'ababyeyi n'abana bavuka muri iki gihugu cyo muri Afurika y'uburengerazuba, kizwiho kuba gifite bimwe mu bitaro byiza muri ako karere.
